तरलता अभावको असरले निर्माण उद्योग संकटमा : अध्यक्ष सिंह

अर्थ समाचार

नेपाल लाइभ शुक्रबार, पुस ९, २०७८ ११:४६

काठमाडौं- नेपाल निर्माण व्यवसायी महासंघका अध्यक्ष रवि सिंहले वित्तीय प्रणालीमा तरलता अभावको असरले निर्माण उद्योग संकटमा परेको बताएका छन्।

अध्यक्ष सिंहले वित्तीय प्रणालीमा तरलता अभावको असरले निर्माण उद्योग संकटमा परेको बताएका हुन्। उनले बैंकिङ प्रणालीमा तरलता अभावका कारण पछिल्लो समय निर्माण उद्योग जुन गतिमा अगाडि बढ्नुपर्ने हो त्यो गतिमा बढ्न नसकेको बताए।

अध्यक्ष सिंहले बजारमा हाहाकार भए तरलता अभावका साथै निर्माण क्षेत्रमा ठेक्का रकमको २० प्रतिशत पेस्कीको विरोध भइ कटौती गरे पाँच प्रतिशत कायम गरेकाले पनि विगत दुई वर्षदेखि निर्माण उद्योगले गति लिन नसकेको उनको भनाइ छ।

'दुई वर्ष कोरोना महामारीका कारण काम नहुने तर अन्य खर्च हुने तर, खर्च भएअनुसार त्यसबाट उत्पादन गर्न नसक्दा निर्माण व्यवसायीहरुले चरम आर्थिक अभाव झेलिरहेका छन्। अझ पछिल्लो समय बैंकहरुबाट एक-दुई लाख कर्जासमेत पाउन मुस्किल भएको छ। निर्माण व्यवसायीको बैंकिङ ऋण मात्रै ३४० अर्ब रहेको छ,' अध्यक्ष सिंहले भने, 'तर, सरकारसँग विगत एक वर्षदेखि बारम्बार निर्माण उद्योगमा तरलता अभाव रहेकाले तरलता सहज बनाउन माग गर्दै आएका छौं। हाम्रो माग निर्माण व्यवसायीको पाँच प्रतिशत धरौटी रकम बैंक ग्यारेण्टीमा फुकुवा गर्न हो। सरकारले माग सम्बोधन अहिलेसम्म गरेको छैन।'

सरकारले पाँच प्रतिशत धरौटी रकम निर्माण व्यवसायीलाई दिएमा बजारमा भएको तरलता सहज, निर्माण कार्य पनि अगाडि बढ्ने र अर्थतन्त्र पनि चलायमान हुनेको उनले बताए। सरकारले निर्माण उद्योगीले पाउनुपर्ने २० प्रतिशत मोविलाइजेसन संकुचन गर्दा विकास निर्माणले गति लिन नसकेको उनको भनाइ छ।

'अहिले निर्माण उद्योगलाई सामान सप्लाइ गर्ने सम्पूर्ण उद्योग नै चरम आर्थिक संकटमा गुज्रिएका छन्। अर्थमन्त्रीले पुस महिनामा ३० प्रतिशत पुँजीगत खर्च गर्न निर्माण व्यवसायीलाई भोग्दै आएको तरलता अभावलाई सहज बनाउन आवश्यक छ। सरकारले पाँच प्रतिशत धरौटी र १० प्रतिशत मोविलाइजेसन दिने हो भने बजारको तरलता सहज हुन्छ। सरकारले खोजेको तीव्र विकास निर्माण काम हुन्छ। तर, सरकारले तत्काल तरलता अभाव सम्बोधन गर्नुपर्छ,’ उनले भने।

अध्यक्ष सिंहले अहिले सरकारको ढुकुटीमा अर्बौं रकम थुप्रिएर बसेको तर विकास निर्माणको काम गर्न रकम अभाव भएको बताए। अब विकासे मन्त्रालयहरुले बजेट खर्च गर्न दोहोरीमात्रै नखेलेर बजेट व्यवस्थापन गरेर विकास निर्माण अगाडि बढाउन सहयोग गर्नुपर्ने उनको धारणा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

च्याम्पियन्स ट्रफी: अस्ट्रेलियालाई हराउँदै भारत फाइनलमा, २०२३ विश्वकपको हारको बदला लियो भारतले

नेमकिपाको अध्यक्षमा पुनः बिजुक्छे

माओवादीको तराई मधेश जागरण अभियान तत्काललाई स्थगित, बिहीबारदेखि महोत्तरीबाट फेरि सुरु हुने