सिन्धुपाल्चोक- मेलम्ची नगरपालिका-१० शिखरपुरमा महिन्द्रा निसान ट्रक दुर्घटना हुँदा एक जनाको मृत्यु भएको छ।
आज बिहान ८:३० बजे बा २ ख ३६८९ नम्बरको महिन्द्रा निसान ट्रकबाट सामान झार्दै गर्दा क्लज थिचिएर ट्रक दुर्घटना भएको इलाका प्रहरी कार्यालय मेलम्चीका प्रहरी निरीक्षक टीकाराम राईले जानकारी दिए।
ट्रक लगभग १०० मिटर तल पुगेको स्थानीयवासीले बताएका छन्। जुगल गाउँपालिका सेलाङका अन्दाजी ३३ वर्षीय कमल कार्कीको मृत्यु भएको निरीक्षक राईले बताए।
मृतक कार्की गाडी धनी हुन्। अहिले प्रहरीले घटनास्थल पुगेर घटनाको अनुसन्धान गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749464208.jpg)
-1749384056.png)
