कांग्रेस प्रदेश २ को नेतृत्व चयनका लागि भोलि बिहान ८ बजेदेखि मतदान

महाधिवेशन विशेष

नेपाल लाइभ बुधबार, पुस ७, २०७८ १८:४८

काठमाडौं– नेपाली कांग्रेस प्रदेश २ को नेतृत्व चयनका लागि भोलि बिहान ८ बजेदेखि मतदान हुने भएको छ।

यसअघि निर्वाचन समितिले आजै मतदान हुने सार्वजनिक गरेको थियो। तर, सभापति शेरबहादुर देउवा पक्षले भोलि मतदान हुनुपर्ने माग गरेको थियो।

मतदान कहिले गर्ने भन्ने विषयमा देउवापक्ष र विमलेन्द्र निधिपक्षबीच बुधबार झडप समेत भएको थियो। मतदान हुन ढिला भएपछि दुई पक्षबीच झडपको स्थिति बनेको हो।

आजै मतदान गर्नुपर्ने पक्षमा रहेको निधि पक्ष नाराबाजीमा उत्रिएको थियो। देउवा पक्षले त्यसको प्रतिवाद गर्दा झडपको स्थिति उत्पन्न भएको हो।

प्रदेश २ मा सभापतिका लागि देउवा पक्षबाट कृष्ण यादव प्रतिस्पर्धामा छन्। त्यस्तै, निधि पक्षबाट रामसरोज यादव प्रतिस्पर्धामा छन्। उनलाई १४औं महाधिवेशनमा सभापतिमा पराजित शेखर कोइरालाको पनि साथ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज सार्वजनिक बिदा

कलाकार ऐरको निधन

आईपीएलमा पञ्जाबमाथि राजस्थानको शानदार जित