काठमाडौं–नेपाली कांग्रेसको १४ औं महाधिवेशन अन्तर्गत नयाँ नेतृत्व चयनका लागि भएको निर्वाचनको मतगणना जारी रहेको छ।
पदाधिकारीको परिणाम सार्वजनिक भइसकेसँगै केन्द्रीय सदस्यहरुको मतगणना जारी रहेको हो। हालसम्मको केन्द्रीय सदस्यको मतगणनामा सभापति शेरबहादुर देउवापक्ष तीन चौथाइले अघि देखिएका छन्।
पदाधिकारीसहित १३४ निर्वाचित कार्यसमितिका लागि हालसम्म ७१ पदको मतगणना सकिएको छ। त्यसमध्ये पदाधिकारीसहित ५४ जना देउवापक्षले जितेको छ। सभापतिमा पराजित शेखर कोइरालापक्षका १७ जना विजयी भएका छन्।
६३ जना केन्द्रीय सदस्यको मतगणना सकिन बाँकी छ। पदाधिकारी, खुला महिला/पुरुष, मधेशी खुला, प्रदेश १ र २, पिछडिएको क्षेत्र, अपाङ्गता, अल्पसंख्यक लगायतको मतगणना सकिएको छ।
विभिन्न क्लस्टर अनुसारको मतगणना हुँदा भारी अन्तरले देउवापक्ष बलियो देखिएको छ। यही क्रमको निरन्तरता भयो भने देउवा पार्टीमा थप शक्तिशाली हुने देखिन्छ।
सभापतिले समावेशिताका आधारमा थप ३३ जना केन्द्रीय सदस्य मनोनित गर्न पाउने विधानमा व्यवस्था छ। केन्द्रीय समितिको आधारलाई हेर्दा देउवा गत कार्यकालमा भन्दा बलशाली हुने देखिएको छ।
यी हुन् विजयी पदाधिकारी
देउवापक्ष
सभापतिः शेरबहादुर देउवा
उपसभापतिः पूर्णबहादुर खड्का
महामन्त्रीः विश्वप्रकाश शर्मा (प्रकाशमान सिंह प्यानलबाट विजयी भएका तर, देउवा निकट)
सहमहामन्त्री
महालक्ष्मी उपाध्याय ‘डिना’ (महिलातर्फ)
भिष्मराज आङ्देम्बे (आदिवासी जनजातितर्फ)
महेन्द्र यादव (मधेसीतर्फ)
किशोरसिंह राठौर (खस आर्यतर्फ)
फरमुल्लाह मंसुर (मुस्लिमतर्फ)
उमाकान्त चौधरी (थारुतर्फ)
पदाधिकारीमा डा शेखर कोइरालापक्षबाट चार जना विजयी भएका छन्।
शेखरपक्ष
उपसभापतिः धनराज गुरुङ
महामन्त्रीः गगन थापा
सहमहामन्त्री:
जीवन परियार (दलिततर्फ)
बद्रि पाण्डे (पिछडिएको क्षेत्रतर्फ)
९९ जनाले उम्मेदवारी दिएको खुला केन्द्रीय सदस्यमा देउवापक्षका २५ जना विजयी भएका छन्। कुल ३५ जना चयन हुने खुला केन्द्रीय सदस्यमा शेखर पक्षबाट १० जना निर्वाचित भएका छन्।
३५ खुला केन्द्रीय सदस्य तर्फ
देउवापक्ष
उदय शमसेर राणा
उमेशजंग रायमाझी
एनपी साउद
कुन्दनराज काफ्ले
कृष्ण किशोर घिमिरे
गणेश लामा
गुरु बराल
डा गोपाल दहित
गोपालमान श्रेष्ठ
गोविन्द भट्टराई
जीप छिरिङ लामा
जीत जंग बस्नेत
नैनसिंह महर
पद्म नारायण चौधरी
बालकृष्ण खाँण
मदन अमात्य
मोहन आचार्य
मोहन बहादुर बस्नेत
रमेश लेखक
राजीव ढुङ्गाना
रामहरी खतिवडा
शंकर भण्डारी
सुनील थापा
सुरेन्द्र राज पाण्डे
ज्ञानेन्द्र बहादुर कार्की
शेखरपक्षः
अजयबाबु शिवाकोटी
अर्जुनरसिंह केसी
डा गोविन्दराज पोखरेल
दिनेश कोइराला
दिपक गिरी
दिलेन्द्र प्रसाद बडु
बल बहादुर केसी
डा रामशरण महत
डा शशांक कोइराला
सञ्जय गौतम
महिला खुला केन्द्रीय सदस्यतर्फ शेखरपक्ष निल हुनबाट बचेको छ। कुल ९ जना चयन हुने महिला खुला केन्द्रीय सदस्यमा ८ जना देउवापक्षका विजयी भएका छन्। कुल ३० जना प्रतिस्पर्धीबाट एक जना शेखर पक्षबाट विजयी भएकी छन्।
देउवापक्ष
अम्बिका बस्नेत
डा आरजु राणा देउवा
इश्वरी न्यौपाने
डिला संग्रौला
रंगमति शाही
रमा कोइराला पौडेल
सुशीला ढकाल आचार्य
शेखरपक्ष
सरिता प्रसाईं
मधेसी खुलातर्फ पाँच जना केन्द्रीय सदस्यमा देउवा पक्षका चार जना विजयी भएका छन्। २३ जना उम्मेदवारबीच प्रतिस्पर्धा हुँदा शेखर पक्षबाट एक जना मात्रै विजयी भएका छन्।
देउवापक्ष
अजय चौरसिया
विनोद चौधरी
महेन्द्र कुमार राय
दिनेश कुमार यादव
शेखरपक्ष
चन्द्रमोहन यादव
प्रदेश २ अन्तर्गतको खुला दुई र महिला एक जनामा पनि देउवा पक्षका विजयी भएका छन्। देउवा पक्षका उम्मेदवार आनन्दप्रसाद ढुङ्गाना र रमेश रिजाल निर्विरोध निर्वाचित भएका छन्।
प्रदेश २ बाट महिलामा देउवा पक्षबाट उम्मेदवार बनेकी चित्रलेखा यादव विजयी भएकी छन्। यादवले गीता चौधरीलाई पराजित गरेकी हुन्।
पिछडिएको क्षेत्रमा एक केन्द्रीय सदस्यका लागि अर्जुनजंगबहादुर सिंह विजयी भए। देउवा पक्षीय सिंहले प्रतिस्पर्धी दीपकजंग शाहलाई पराजित गरे।
अल्पसंख्यक क्लस्टरबाट प्रदीपकुमार सुनुवार निर्वाचित भएका छन्। सुनुवारले झण्डै आधा मतले टीकाराम सुब्बा लेप्चालाई पछि पारे। अपाङ्गता भएका तर्फको एक केन्द्रीय सदस्यमा देउवा निकट नै विजयी भएका छन्। देउवा पक्षका मदनकृष्ण श्रेष्ठले जित निकाले।
बागमती प्रदेशतर्फ खुला २ केन्द्रीय सदस्यका लागि भएको निर्वाचनमा ध्यानगोविन्द रञ्जित र राजन केसी निर्वाचित भएका छन्। त्यस्तै महिला तर्फ उर्मिला नेपाल विजयी भएकी छन्। जसमा रञ्जित र नेपाल देउवा पक्षका हुन् भने केसी प्रकाशमान सिंह पक्षका हुन्। सिंह देउवा पक्षमा खुलेपछि केसी पनि संस्थापन पक्षमै लागेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
