अर्बपति विनोद चौधरी कांग्रेस केन्द्रीय सदस्यमा निर्वाचित, यी हुन् मधेशी कोटामा निर्वाचित हुनेहरू

महाधिवेशन विशेष

नेपाल लाइभ मंगलबार, पुस ६, २०७८ १४:४६

काठमाडौं– अर्बपति विनोद चौधरी कांग्रेसको केन्द्रीय सदस्यमा निर्वाचित भएका छन्। केन्द्रीय सदस्यका लागि चौधरीले मधेशी खुलाबाट उम्मेदवारी दिएका थिए।

पाँच सदस्य चयन हुने मधेशी खुलातर्फ २३ जनाले उम्मेदवारी दिएका थिए। चौधरीले दोस्रो स्थानको मत ल्याएका छन्। २२०६ मतसहित चौधरी विजयी भएका हुन्।

विजयी हुनेमा अजय चौरसियाले सर्वाधिक मत ल्याएका छन्। पहिलो नम्बरमा रहेका चौरसियाले २५२२ मत ल्याएर जित निकालेका छन्। तेस्रो स्थानको मत चन्द्रमोहन यादवले ल्याएका छन्। उनले २१३८ मत प्राप्त गरेका छन्।

आज भएको मत गणनाको परिणाम अनुसार मधेशी खुलातर्फ विजयी महेन्द्रकुमार रायले चौंथो स्थानको मत ल्याएर विजयी भएका छन्। रायले १९८४ मत प्राप्त गरेका छन्।

केन्द्रीय सदस्यमा निर्वाचित हुने दिनेशकुमार यादवले पाँचौ स्थानको मत ल्याएर जित निकालेका छन्। यादव १९५९ मत ल्याई विजयी भएका छन्।

विजयी पाँच जनामा चन्द्रमोहन यादव बाहेक सबै देउवा पक्षका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनमत–नागरिक उन्मुक्ति एकता : सीके राउत कार्यकारी अध्यक्ष, पहिलो वरीयतामा रेशम चौधरी

स्वास्थ्य बीमा : बोर्डमा जम्मा एक अर्ब, भुक्तानी दायित्व १६ अर्ब ४५ करोड

हामीले राजावादी वितण्डाको विरोध गर्दा सरकारलाई राहत मिले जस्तो भएको छ : प्रचण्ड