हत्याको आरोपमा झापामा एक जना पक्राउ - :: नेपाल लाइभ :: Nepal Live - Independent Digital Media

बिहीबार, जेठ १, २०८२ Thu, May 15, 2025

सुरक्षा/अपराध

हत्याको आरोपमा झापामा एक जना पक्राउ

64x64

रासस शनिबार, पुस ३, २०७८ १५:५६

झापा– धारिलो हतियार प्रयोग गरी हत्या गरेको आरोपमा प्रहरीले झापाको दमकबाट एक जनालाई पक्राउ गरेको छ। पक्राउ पर्नेमा झापा दमक नगरपालिका–१ का २० वर्षीय अर्जुन लिम्बू रहेको जिल्ला प्रहरी कार्यालय झापाले जनाएको छ।

लिम्बूले गत मंसिर २९ गते दमक नगरपालिका–६ स्थित रक्षा फेन्सी पसलमा सेल्समेनको काम गर्दै आएका दमक–२ का २५ वर्षीय तेजप्रकाश पराजुलीलाई धाराबाट पानी लिई पसलतर्फ फर्कने क्रममा धारिलो हतियार प्रहार गरेका थिए। उनको उपचारका क्रममा बीएण्डसी अस्पताल विर्तामोडमा मृत्यु भएको थियो।

यही पुस १ गते लिम्बूलाई नियन्त्रणमा लिई अनुसन्धान गर्दा रिसीइबीको कारणले हतियार प्रहार गरेको स्वीकार गरेको प्रहरीले जनाएको छ।

shivam cement

shivam cement

घटनामा प्रयोग भएको धारिलो हतियार दाउ एक थान, झोला, कालो रङ्गको जुत्ता र अन्य कपडा प्रहरीले बरामद गरेको छ।

पक्राउ परेका लिम्बूलाई झापा जिल्ला अदालतबाट म्याद थप गरी कानुनी कारबाही अघि बढाइएको जिल्ला प्रहरी कार्यालयले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

64x64

रासस

लेखकबाट थप

बजेट अभावमा गैँडा गणना अन्योलमा

हिमपातले अवरुद्ध नाग्म–गमगढी सडक अझै खुलेन

भूमिहीनलाई छिट्टै लालपुर्जा दिन्छौँ – मन्त्री अधिकारी