'टीभीएस रेडर सप्तरंग-३' को पहिलो कार्यक्रम काँकडभिट्टामा सम्पन्न

कर्पोरेट

नेपाल लाइभ बुधबार, मंसिर २९, २०७८ १८:२१

काठमाडौं- यही मङ्सिर २४ गतेबाट सुरु भएको टीभीएस रेडर सप्तरंग-३ को पहिलो दिनको कार्यक्रम काँकडभिट्टामा सम्पन्न भएको छ। कार्यक्रममा अभिनेता राजेश हमालका साथै प्रदेश १ का मुख्यमन्त्री राजेन्द्र राईद्वारा टीभीएस रेडरको पनि उद्घाटन गरिएको थियो।

कार्यक्रमको दोस्रो दिन टीभीएसले आफ्नो बिर्तामोडमा रहेको सोरुम पाथिभरा अटो लिंक र लहानमा रहेको सोरुम राज अटोमोबाइल्समा पनि सप्तरंगको कलाकारहरुद्वारा टीभीएस रेडरको उद्घाटन गरेका थिए।

टीभीएस रेडरमा टीभीएस मोटर कम्पनीको नवप्रवर्तनात्मक डिजाइन, पृथक र बोल्ड डिजाइन थिमका साथ समाहित गरिएको छ। नयाँ मोटरसाइकलमा पृथक माचो पर्सनालिटी दिइएको छ र यसलाई अझ झल्काउनका लागि विशेष लोगोको प्रयोग गरिएको कम्पनीले जनाएको छ। यसमा रहेको बलियो र कलात्मक ट्यांकले टीभीएस रेडरलाई दरिलो मस्कुलर लुक्स प्रदान गरेको छ।

'साथै, यो दैनिक राइडका लागि स्पोर्टी, कम्प्याक्ट र फूर्तिलो पनि छ। टीभीएस रेडरमा सिग्नेचर डिजाइन तत्त्वका रुपमा समाहित विशिष्ट हेडल्याम्प र टेल ल्याम्पले पृथकता प्रदान गर्नुका साथै पर्याप्त भिजिबिलिटी पनि प्रदान गर्छ। यसमा विशेष डिजाइनसहितको टेक्स्चर तथा फिनिस प्रयोग भएका तरुण रंगहरु बाइकको स्पोर्टी र इनर्जेटिक डिजाइनका अभिन्न पाटो हुन्,' कम्पनीद्वारा जारी विज्ञप्तिमा उल्लेख छ।

टीभीएस रेडरले ६ हजार ५०० आरपीएममा ११.५ एनएम टर्क र ८ हजार आरपीएममा १२.९ पीएस अधिकतम शक्ति उत्सर्जन गर्ने क्षमता राख्ने कम्पनीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित