भारतमा सेक्युरिटी गार्डको जागिर लगाइदिने भन्दै ठगी गर्ने १ जना पक्राउ

सुरक्षा/अपराध

नेपाल लाइभ बुधबार, मंसिर २९, २०७८ १५:३७

काठमाडौं– भारतमा सेक्युरिटी गार्डको जागरि लगाइदिने भन्दै रकम लिएर ठगी गरेको आरोपमा मोरङ प्रहरीले १ जनालाई पक्राउ गरेको छ।

पक्राउ पर्नेमा गोरखाको लखन गाउँपालिका वडा नम्बर २ बस्ने ३८ वर्षीय गणेशराज अर्याल छन्।

प्रहरीका अनुसार उनले विभिन्न व्यक्तिलाई भारतमा सेक्युरिटी गार्डको जागरि लगाइदिने १ लाख ७३ हजार रुपैयाँ ठगी गरेका थिए।

उनले उदयपुरको त्रियुगा नगरपालिका–८ घर भएका ४० वर्षीय प्रेमकुमार दनुवार तथा सोही ठाउँका उमेश कुमार दनुवारसँग पटक पटक गरी १ दाख ७३ हजार रुपैयाँ उठाएको प्रहरीले जानकारी दिएको छ।

जागिर लगाइदिने भन्दै रकम लिएर फरार भएका उनलाई मोरङ प्रहरीले विराटनगरबाट पक्राउ गरेको हो। पक्राउ परेका अर्यालविरुद्ध जिल्ला अदालत मोरङबाट ७ दिनको म्याद लिइ ठगी कसूरमा अनुसन्धान भइरहेको जिल्ला प्रहरी कार्यालय मोरङले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति