काठमाडौं- नेपाल प्रहरीले ४५ लाख ५० हजार रुपैयाँ जरिवाना भएपछि फरार रहेका एक व्यक्तिलाई पक्राउ गरेको छ।
प्रहरीको केन्द्रीय अनुसन्धान ब्यूरो (सीआईबी)ले बैंकिङ कसुर मुद्दामा उच्च अदालत पाटनले ४५ लाख ५० हजार रुपैयाँ जरिवाना गरेपछि फरार रहेका ललितपुर महानगरपालिका-२१ बस्ने ४२ वर्षीय अमर महर्जनलाई आज पक्राउ गरेको हो।
ब्यूरोका प्रवक्ता प्रहरी उपरीक्षक श्यामकुमार महतोले उच्च अदालत पाटनको विसं २०७८ असोज ८ गतेको फैसलापछि चार दिन कैद र बिगोबमोजिम ४५ लाख ५० हजार रुपैयाँ जरिवाना ठहर भएपछि फरार रहेका महर्जनलाई आज शङ्खमुलबाट पक्राउ गरिएको जानकारी दिए।
पक्राउ परेका महर्जनले आफ्नो मेगा बैंक लिमिटेडको खातामा पर्याप्त मौज्दात नहुँदानहुँदै झुक्यानमा पारी चेक दिएर बैंकिङ कसुरजन्य अपराध गरेका थिए।
उच्च अदालतले महर्जनलाई बैंकिङ कसुर तथा सजाय ऐन, २०६४ बमोजिम उल्लिखित सजाय हुने गरी फैसला सुनाएको थियो। पक्राउ परेका महर्जनलाई फैसला कार्यान्वयनका लागि आजै ललितपुर जिल्ला अदालतमा पे गरिएको प्रवक्ता महतोले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
