महाधिवेशन विशेष

गुरुराज घिमिरेलाई मत नदिएकोमा शेखरले क्षमा मागे

नेपाल लाइभ सोमबार, मंसिर २०, २०७८ १४:०८

काठमाडौं–नेपाली कांग्रेसका नेता डा शेखर कोइरालाले प्रदेश-१ का सभापतिका उम्मेदवार गुरुराज घिमिरेलाई मतदान नगरेको प्रति क्षमा मागेका छन्।

नेता कोइरालाको जोडबलमै प्रदेश अधिवेशनको सभापतिमा घिमिरे उम्मेदवार बनेका थिए। तर, संस्थापनइतरका केन्द्रीय नेताहरुले नै मत नदिँदा घिमिरे पराजित बन्न पुगेका छन्। दुई मतले पराजित बनेका घिमिरेलाई उनी पक्षीय नेताहरुले मत दिएको भए जीत निकाल्ने थिए।

शेखरसहित केन्द्रीय नेताहरु महेश आचार्य र सुजाता कोइराला मतदानमा सहभागी नै नभएको बताइएको छ। केन्द्रीय नेताले प्रदेश अधिवेशनमा मतदान गर्न पाउने/नपाउने अन्योलले गर्दा आफूले मत नदिएको शेखरले स्पष्टिकरण दिएका छन्।

यो पनि पढ्नुहोस्

पुन: मतगणना माग गरेका गुरुराज भन्छन्- ट्रेण्ड अनुसार अन्त्यतिर अस्वाभाविक मत आयो

प्रदेशमा मत दिँदा भविष्यमा कानुनी जटिलता आउने परामर्श पाएकाले मतदानमा भाग नलिएको उनले प्रष्टाए। ‘कांग्रेस १४औं महाधिवेशनमा प्रदेशस्तरसम्म केन्द्रीय नेताहरुले मतदान गर्न पाउने वा नपाउने विषय सुरु देखि नै ‘संशय’ थियो।’ शेखरले सामाजिक सञ्जालमा लेखेका छन्, ‘कानुनी परामर्शबाट मतदान गर्दा भविष्यमा जटिलता आउन सक्ने बुझियो। तसर्थ मतदान नगर्नु उपर्युक्त ठानें।’

मतदानमा भाग नलिनु कमजोरी भएको स्वीकार्दै शेखरले क्षमा मागेका छन्।

दुई मतले पराजित घिमिरेले पुन मतगणना माग गर्दै निर्वाचन समितिमा निवेदन दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शिक्षक आन्दोलन आज पनि जारी

कक्षा १२ को परीक्षा तोकिएकै समयमा हुने

रुपन्देहीको दानव नदीमा बेपत्ता दुई बालकको शव भेटियो