चितवन- नेकपा एमालेको दशौं महाधिवेशन अन्तर्गत शनिबार बन्दसत्र सुरु हुन लागेको छ।
चितवनस्थित नारायणी नदी किनारमा शुक्रबार उद्घाटनसत्र सम्पन्न गरेको एमालेको बन्दसत्र भने सौराहास्थित सेभेन स्टार होटल परिसरमा हुनेछ। बन्दसत्रले नयाँ नेतृत्व चयन गर्नेछ।
बन्दसत्रका लागि सेभेन स्टार होटल परिसरमा एमालेले अस्थायी संरचना निर्माण गरेको छ। बन्दसत्रमा २ हजार १ सय ७५ जना प्रतिनिधि हुने छन्।
शनिबार विहान प्रतिनिधिहरु बन्दसत्र स्थलमा प्रवेश गर्न सुरु गरेका छन्।
बन्दसत्र स्थलको प्रवेशद्वारमा अध्यक्ष केपी ओलीको तस्बिर राखिएको छ।
त्यस्तै पुष्पलाल, मनमोहन अधिकारी, मदभण्डारीका तस्बीरहरु होटलको बगैंचामा राखिएको छ।
एमाले स्वयं सेवकहरुले विहान बन्दसत्र स्थलमा झण्डा र तोरणहरु टाँगेका छन्।
बन्दसत्र स्थलमा प्रतिनिधि बाहेकको प्रवेशमा कडाइ गरिएको छ।
तस्बिरहरु-
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
