काठमाडौं- अमेरिकी राष्ट्रपति जो वाइडेनलाई पछि पार्दै भारतीय प्रधानमन्त्री नरेन्द्र मोदी विश्वकै सबैभन्दा बढी लोकप्रिय सरकार प्रमुखमध्ये पहिलो स्थानमा परेका छन्।
अमेरिकी अनुसन्धान संस्था ‘मर्निङ कन्सल्ट’ ले गरेको सर्वेक्षणमा मोदी पहिलो भएका हुन्। उनले मूल्याङ्कनमा ७० प्रतिशत अंक प्राप्त गरेका छन्।
भारतमा कोरोनाको दोस्रो लहरको बेला मोदीको लोकप्रियतामा भारी गिरावट आएको थियो। त्यो बेला कोरोनाले भारतीय अस्पतालमा अक्सिजनको अभाव भएको थियो।
सन् २०२० मा भारत कोरोना महामारीबाट बाहिर निस्किएको बेला मोदीको अप्रुभल रेटिङ सबैभन्दा धेरै ८४ प्रतिशत थियो।
सर्वाधिक लोकप्रिय सरकार प्रमुखको दोस्रो स्थानमा मेक्सिकोका राष्ट्रपति आन्द्रेस म्यानुएल लोपेज ओब्राडोर रहेका छन्। उनले ६६ प्रतिशत मूल्याङ्कन अंक प्राप्त गरेका छन्।
इटालीका प्रधानमन्त्री मारियो ड्रागीले तेस्रो स्थानमा रहेका छन्। उनले ५८ प्रतिशत अंका प्राप्त गरे।
जर्मनीकी चान्स्लर एन्जेला मर्केलले ५४ प्रतिशत अंक प्राप्त गर्दा अस्ट्रेलियाका प्रधानमन्त्री स्कट मोरिसनले ४७ अंक प्राप्त गरे।
अमेरिकी राष्ट्रपति वाइडेनले भने ४४ प्रतिशत अंक प्राप्त गर्दै छैठौँ स्थानमा रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
