काठमाडौं- इराकी प्रधानमन्त्री मुस्तफा अल-खादिमीको हत्या प्रयास भएको छ।
आइतबार बिहान राजधानी बग्दादस्थित ग्रीन जोनमा रहेको उनको निवासमा विस्फोटक पदार्थ राखिएको एउटा ड्रोनबाट आक्रमण गरिएको थियो।
अन्तर्राष्ट्रिय समाचार एजेन्सी रोयटर्सका अनुसार इराकी सेनाले यस आक्रमणलाई प्रधानमन्त्री खादिमीको हत्याको प्रयास भनेको छ। सेनाका अनुसार खादिमी सकुशल रहेका छन्। आक्रमणपछि उनी आफ्नो निवासबाट भागेको बताइएको छ।
तर, अन्य सञ्चारमाध्यमहरूले भने खादिमीलाई अस्पताल लगिएको दाबी गरेका छन्। तर, उनले आफू घाइते नभएको बताएका छन्।
अधिकारीहरूका अनुसार खादिमीको सुरक्षार्थ खटिएकामध्ये ६ जना घाइते भएका छन्।
हालसम्म कुनै पनि समूह या संगठनले यस आक्रमणको जिम्मेवारी लिएको छैन। आक्रमणका कारण खादिमीको निवासमा क्षति पुगेको छ।
सामाजिक सञ्जालमा ट्विटरमा खादिमीले इराकको हितका लागि सबैलाई शान्त र संयमित हुन आह्वान गरेका छन्।
बगदादमा भएको आक्रमणको आलोचना गर्दै साउदी अरबको विदेश मन्त्रालयले यसलाई कायरतापूर्ण अतिवादी हमला भनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
