काठमाडौं- आइतबार विहान ड्रोन आक्रमणबाट इराकी प्रधानमन्त्री मुस्तफा अल कदिमीको हत्याको प्रयास गरिएको थियो। इराकी सेनाका अनुसार प्रधानमन्त्रीको हत्याको प्रयास अन्तर्गत आक्रमण भएपनि उनलाई केही भएको छैन।
प्रधानमन्त्री निवासमा ड्रोनबाट भएको रकेट प्रहारमा परि केही सुरक्षाकर्मी घाइते भएको तर प्रधानमन्त्रीलाई भने कुनै नोक्सान नपुगेको सेनाले जनाएको बीबीसीले उल्लेख गरेको छ।
समाचार एजेन्सी रोयटर्सका अनुसार आइतबार बिहान इराकको राजधानी बग्गदादको ग्रीन जोन इलाकास्थित प्रधानमन्त्री निवासमा एक बिस्फोटन ड्रोनबाट भएको थियो। इराकको राजधानीको उक्त क्षेत्र सवैभन्दा सुरक्षित मानिन्छ।
विश्वभरबाट गएका राजनीतिक अधिकार र कुटनीतिक मानिसहरु यही क्षेत्रमा लामो समय रहँदै आएका थिए। यो क्षेत्रमा दूतावासदेखि महत्वपूर्ण सरकारी कार्यालय रहेका छन्। सुरक्षाकर्मीका अनुसार आइतबार विहान उक्त क्षेत्रमा ड्रोनवाट प्रहार भएको रकेट प्रधानमन्त्री निवासमा आएर ठोक्किएको थियो।
ग्रीन जोनमा रहेका पश्चिमी देशका कुटनीतिज्ञहरुले उक्त क्षेत्रमा बिस्फोट र गोलाबारीको आवाज सुनिएको बताएका थिए। यो आक्रमणमा प्रधानमन्त्रीको सुरक्षाका लागि तैनाथ भएका कम्तिमा ६ जना सुरक्षाकर्मी घाइते भएका छन्।
अमेरिकाको चेतावनी
अमेरिकी विदेश मन्त्रालयका प्रवक्ता नेड प्राइसले आइतबार इराकी प्रधानमन्त्रीमाथि भएको ड्रोन आक्रमणलाई आतंककारी हमला भनि टिप्पणी गरेका छन्। उनले यो ड्रोन हमाल र त्यसपछिको अवस्थालाई अमेरिकाले नियालिरहेको उल्लेख गरेका छन्।
नेड प्राइसले इराकी प्रधानमन्त्री कदिमीको निवासमा भएको ड्रोन आमत्रण निन्दाजनक भएकोसमेत टिप्पणी गरे। उनले यस्तो आतंकवादी गतिविधीको अमेरिकाले कडा रुपमा निन्दा गर्ने उल्लेख गरेका छन्। उनले इराकी साझेदारीको साथ अमेरिकाको अटुट समर्पण रहेको बताएका छन्। उनले यो आक्रमणको जाँचका लागि इराकी सेनाको सहयोगको प्रस्तावसमेत गरे। उनले आफूहरु इराकी सरकार र जनतासँगै रहेको उनले बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
