काठमाडौं- औषधी उत्पादक कम्पनी फाइजरले कोरोनाविरुद्ध चक्की औषधी बनाएको दाबी गरेको छ।
अहिले औषधीको परीक्षण भइरहेको कम्पनीले शुक्रबार जानकारी दिएको हो। कम्पनीले अहिले वयस्क उमेर समूहका उच्च जोखिममा रहेका व्यक्तिहरूमा परीक्षण गरिरहेको सीएनएनले जनाएको छ।
उक्त चक्की औषधीले अस्पताल भर्नादर कम गर्ने तथा मृत्यु हुने जोखिम घटाउने कम्पनीको दाबी छ। सो औषधी लक्षण देखिएको तीन वा पाँच दिनमा दिइएको छ।
औषधीले कोरोना संक्रमितलाई अस्पताल भर्ना तथा मृत्यु हुने सम्भावना ८९ प्रतिशतले कम गर्ने दाबी गरिएको छ। यद्यपि त्यसको कुनै ठोस प्रमाण प्राप्त भइसकेको छैन। कम्पनीले थप अनुसन्धानपछि ठोस प्रमाणसहित सार्वजनिक गर्ने जनाएको छ।
यता, अमेरिकी औषधी कम्पनी मर्क र रिजब्याक बायोथेराप्युटिक्सले पनि संयुक्त रुपमा कोरोना सक्रमणबाट बच्न खाइने चक्की औषधी बनाएको दाबी गरेको छ।
युके मेडिसिन्स र हेल्थकेयर उत्पादन नियामक प्राधिकरण (एमएचआरए)ले क्लिनिकल डेटाको आधारमा ‘मोल्नुपिराभिर’ नामको यो औषधीलाई अनुमोदन गरेको छ।
यो ओषधीलाई स्वीकृत गर्ने बेलायत विश्वको पहिलो देश बनेको छ। यो चक्की कोरोना संक्रमण देखिएमा र कोरोना संक्रमित भएको पाँच दिनभित्र सेवन गर्न सकिने बताइएको छ।
यो विश्वमा पहिलो पटक उपभोग गरिएको औषधी हो। यता, अमेरिकी अधिकारीहरूले यो औषधीलाई अनुमोदन गर्ने कि नगर्ने भन्ने निर्णय यसै महिना गर्ने बताइएको छ।
विश्वभर कोरोना संक्रमणबाट हालसम्म ५२ लाखभन्दा बढीको मृत्यु भइसकेको छ। अहिलेसम्म यो रोगको रोकथामका लागि भ्याक्सिन मात्रै प्रयोगमा आएको थियो।
यसबाहेक, एन्टी–भाइरल औषधी रेमडेसिभिर र जेनेरिक स्टेरोइड डेक्सामेथासोन अस्पतालहरूमा उपचारको क्रममा संक्रमित बिरामीहरूलाई दिइन्छ।
गत महिनाको क्लिनिकल डाटाले मर्कको औषधी मोल्नुपिराभिरले कोरोनाबाट हुने मृत्युको जोखिम आधा घटाएको देखाएको छ।
यो औषधी बेलायतमा ‘लागावेरियो’ नामले चिनिनेछ। बेलायतमा कोरोना संक्रमितको संख्या बढ्दै गएको छ भने सरकारले संक्रमण रोक्न चुनौती सामना गरिरहेको छ।
बेलायती सरकारले यो औषधीलाई भाइरसविरुद्ध लड्ने प्रयासको एक हिस्साको रूपमा मात्र स्वीकृत गरेको बताएको छ। यसको प्रयोग कहिलेबाट सुरु हुन्छ र कसरी गर्ने भन्नेबारे सरकारले छिट्टै जानकारी दिइने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
