काठमाडौं- विश्वभर मुद्रास्फीति पछिल्लो १० वर्षयताकै उच्च विन्दुमा पुगेको छ। संयुक्त राष्ट्रसंघको खाद्य तथा कृषि संगठन (एफएओ) ले गत वर्ष विश्वभर खाद्यवस्तु ३० प्रतिशतले महँगिएकको जनाएको छ।
संयुक्त राष्ट्रसंघको यो प्रतिवेदनले विश्वभर अन्न तथा खाद्य तेलको मूल्य लगातार बढिरहेको देखाएको छ। अक्टोबर महिनामा मात्रै वनस्पति तेलमा १० प्रतिशतले मूल्य वृद्धि भएको छ। आपूर्ति अवरुद्ध, कलकारखाना बन्द र राजनीतिक कारणले वस्तुको मूल्य बढिरहेको एफएओले जनाएको छ।
एफएओका अनुसार खाद्यान्नको मूल्य वार्षिक २२ प्रतिशतले बढेको छ। क्यानडा, रुस र अमेरिका जस्ता देशमा गहुँ उत्पादन घटेको छ। जसकारण एक वर्षभित्र गहुँको मूल्य ४० प्रतिशतले बढेको छ।
कर्टिन बिजनेस स्कूलका कृषि व्यवसाय विशेषज्ञ पिटर ब्याट भन्छन्, ‘जहाँसम्म खानाको सवाल छ हामी भन्न सक्छौं कि हामीले जलवायु परिवर्तनका कारण यस्तो अवस्थाको सामना गरिरहेका छौं। धेरै ठाउँमा उत्पादन निकै कम भइरहेको छ।’
एफएओले पाम, सोया, सूर्यमुखी र रेपसेड तेलको मूल्यमा भएको वृद्धिले वनस्पति तेलको मूल्य सूचकाङ्कमा वृद्धि भएको जनाएको छ।
मलेसियामा पाम आयलको उत्पादन घट्नुको कारण पनि आप्रवासी कामदारको अभाव रहेको संगठनले जनाएको छ। श्रमिक अभावले विश्वका अन्य भागहरूमा पनि खाद्यान्नको उत्पादन र ढुवानी लागत बढिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
