काठमाडौं- राकुटेन भाइबरले अब आफ्ना प्रयोगकर्ताहरूका लागि ग्रुप च्याटमा निश्चित समयपछि म्यासेजहरू देख्न नमिल्ने सुविधा ल्याउने भएको छ।
यो सुविधा, यस अघि व्यक्ति–व्यत्तिबीचको कुराकानीमा मात्र उपलब्थ थियो। भाइबरको यो सुबिधाबाट प्रयोगकर्ताहरू आफैले म्यासेजहरू कति समयपछि अदृश्य बनाउने त्यसको समय सेट गर्न सक्नेछन्, र साथसाथै ग्रुप च्याटमा तुरुन्तै एक्टिभेट गर्न मिल्ने यो सन्देशहरु अदृश्य गर्ने उपयोगिताको प्रयोगसँगै म्यासेज फरवार्ड गर्ने, कपि गर्ने अथवा म्यासेजको स्क्रीन सट लिने जस्ता गतिबिधिहरू एप आफैले गर्न नमिल्ने बनाउनेछ।
भाइबर क्रस प्लेटफर्म सन्देश र आवाज सहितको संचार हो जसको हालै मात्र गुगल प्लेमा संसारभरि डाउनलोड गर्नेको सङख्या एक अर्बनाघेको छ।
यो फिचर ग्रुप च्याटमा सेट गरी आफ्नो स्टाटस बदल्नका लागि प्रयोगकर्ताहरू अनेक चरणहरूबाट जानुपर्ने छैन्। भाइबरको फिचर प्रयोग गरेरग्रुप च्याटभित्रै सदस्यहरू सजिलैसँग खोल्न र बन्द गर्न सक्नेछन्।
यो उपयोगिता अझ फराकिलो बनाएपछि अब प्रयोगकर्ताहरू ग्रुप च्याटमै आफ्ना म्यासेज पढिएको दश सेकेण्डदेखि एक दिन पछि देख्न नमिल्ने बनाउन म्यासेजमा डिसअपियरीङ अप्सन सेट गर्न सक्नेछन्।
डिसअपियरीङ विकल्प चालुभएको अवस्थामा भाइबरले अब एन्ड्रोईड ६ र अन्य प्रयोग गरिरहेका उपकरणहरूमा म्यासेज फरवार्ड, कपि र स्क्रीन सटजस्ता गतिबिधिहरूलाई रोक्नेछ।
पुरानो भर्जनको एन्ड्रोईड र आई ओ एस चलाइरहेका प्रयोगकर्ताहरूलाई भने यदि “ग्रुप च्याट” को कुनै सदस्यले स्क्रीन सट लिएको अवस्थामाभाइबरले सुचना दिनेछ। यो फिचर जुनसुकै प्रकारको फोटो, भिडियो र स्टिकर्स म्यासेजमा लागु गर्न सकिने छ।
उदाहरणको लागि, यदि ग्रुप च्याटको सदस्यहरूलाई भोजको लागि निम्तो गरिएको छ भने, प्रवेश कोड ग्रुप च्याटमा पढिएको एक मिनेट भित्र देख्न नमिल्ने बनाएर पठाउन सकिने छ।
भाइबरमा व्यक्तिगत र समूहमा गरिएको सबै कुराकानी इनत्रिप्ट गरिन्छ, जसलाई “गोप्यकरण” पनि भनिन्छ। जसले गर्दा प्रयोगकर्ताहरू आफ्नो कुराकानीको गोपनियतार सुरक्षालाई लिएर आश्वस्त रहन सक्नेछन्।
भाइबर आफ्नो प्रयोगकर्ताहरू प्रति सदैव प्रतिबद्ध रहेको अर्को बुलन्द उदाहरण हो अदृश्य फिचर, जहाँ प्रयोगकर्ताहरू आफ्ना गोपनियतालाई लिएर अझ निश्चिन्त रहन सक्नेछन्।
नादभ मेल्निक, भाइबर उत्पादनका उपाध्यक्ष भन्छन्, “प्रयोगकर्ताहरूको गोपनियताहामीलाई जहिल्यै पनि सबैभन्दा ठूलो चासोको विषय रहिआएको छ र हाम्रो प्रयोगकर्ताहरूलाई यसरी आफ्ना कुराकानीहरूलाई व्यक्तिगत र ग्रुपमा नियन्त्रण गर्न सकिने वैकल्पिक सुविधा दिन पाँउदा हामी उत्साहित छौँ। यो नयाँ सुविधासँगै, गोपनियताबारे हाम्रो प्रतिबद्धता झनै निजीको विषय बनेको छ।”
विश्वका १९० वटा राष्ट्रमा प्रयोग हुने राकुटेन भाइबर विश्वभरका मानिसहरूबीचको सम्बन्ध सूत्र हो। भाइबरको विश्वव्यापी प्रयोगकर्ताहरूले वान अन वान च्याट, भिडियो कल , सामुहिक म्यासेजिङ ,अपडेट का साथै आफ्ना मनपर्ने ब्राण्ड/कलाकार सँग छलफलजस्ता यावत् फिचरहरूको लाभ उठाउन सक्छन्।
भाइबरले प्रयोगकर्ताहरूलाई आफ्ना भावनाहरू शेयर गर्नका लागि एक सुरक्षित र स्वतन्त्र वातावरणको सुनिश्चितता प्रदान गर्दछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
