काठमाडौं– बलिउडका सुपरस्टार शाहरुख खानका छोरा आर्यन खानलाई एक जहाजमा भइरहेको पार्टीको मुद्दामा भारतीय नारकोटिक्स कन्ट्रोल ब्यूरो (एनसीबी)ले ३ अक्टोबरमा गिरफ्तार गरेको थियो।
उनलाई हिरासतमा लिइएको करिब तीन हप्ता हुँदासम्म पनि उनको मुद्दा सुल्झिएको छैन। सँगै, आर्यनले पटक-पटक निवेदन दिएपनि जमानत पाउन सकेका छैनन्।
२० अक्टोबरमा भारतको मुम्बईस्थित एक विशेष अदालतले आर्यन खान र अन्य दुई अभियुक्तले जमानतमा रिहा हुन पाउँ भनी दिएको निवेदनलाई खारेज गरेको थियो। जमानतका लागि दिइएको निवेदनलाई अस्वीकार गर्दै अदालतले आर्यनको साथमा कुनै पनि किसिमको लागूऔषध बरामद नभएको स्वीकारेको छ।
तर, अदालतले खानलाई उनीसँगै रहेका उनका साथी अरबाज मर्चेन्टसँग प्रतिबन्धित पदार्थ भएको र दुई सँगै साथमा रहेकाले ‘कन्सियस पोजेसन’ (आफूलाई जानकारी हुनु) मानिने बताएको छ।
अरबाज मर्चेन्टको साथमा ५ ग्राम चरस बरामद भएको थियो।
जमानत नदिने फैसला गर्दै अदालतले उनको ह्वाटसएप च्याटको कुरा पनि निकालेको थियो, जुन एनसीबीले अदालतसामु प्रस्तुत गरेको थियो। अदालतकाअनुसार ती ह्वाटसएप च्याटबाट आर्यन खानले अज्ञात मानिसहरुसँग लागूऔषधको बारेमा कुराकानी गरेको तथा धेरै र शक्तिशाली लागूऔषधको बारेमा कुराकानी भएको छ।
यी कुराकानीको आधारमा अदालतले आर्यन प्रतिबन्धित नशाजन्य सामग्रीको प्रयोग र कारोबार गर्ने मानिसहरुको सम्पर्कमा रहेको र नियमित रुपमा मादक पदार्थसँग जोडिएका अवैध गतिविधिमा संलग्न रहेको बताएको छ। जसकारण जमानतमा रहँदा पनि खानले यस्तै अपराध नगर्नेमा विश्वत नरहेको बताइएको छ।
विशेष अदालतले यो मुद्दामा अझै गहिराइमा जाने बताएको छ। एकातिर आर्यनको पक्षमा भएकाहरुले आर्यनको विरुद्धमा कुनै पनि सबुत नभएको बताएका छन् भने अदालतले यो मुद्दामा जोडिएका सबै अभियुक्त एकअर्कासँग जोडिएको र यो कुनै ठूलो नेटवर्कको हिस्सा भएको बताएको छ।
थप छानबिन नहुँदासम्म र यो मुद्दाको गहिराइसम्म नपुग्दा आर्यन वा अन्य अभियुक्त कसैलाई पनि धरौटीमा रिहा वा जमानत दिन नसक्ने भन्दै अदालतले उनीहरुको निवेदनलाई अस्वीकार गर्दै आएको छ।
-बीबीसी हिन्दीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765768760.png)
-1763721444.png)
-1765273665.jpg)
