काठमाडौं- नेपालका लागि विश्वविख्यात जर्मन अटो निर्माता फक्सवागनको अधिकृत वितरक पूजा इन्टरनेसनल नेपाल प्रालिले चाडपर्वको अवसर पारेर एकसाथ दुईवटा आकर्षक उपभोक्तामुखी योजना ल्याएको छ।
कम्पनीले फक्सवागनको पोलो (एइीई) र भेन्टो गाडीमा ‘फक्सफेस्ट सरप्राइज’ र टाइगुनका ग्राहकलाई लक्ष्य गरेर दरबारमार्गस्थित वान दरबार मलमा ‘टाइगुन कार्निभल फेस्ट’ सुरु गरेको हो।
स्किमअन्तर्गत फक्सवागनको पोलो र भेन्टो कार खरिदकर्ताले लक्की ड्रबाट आकर्षक उपहार जित्न सक्ने कम्पनीले जनाएको छ। स्किम अवधिमा फक्सवागनको भेन्टो वा पोलो कार खरिद गर्ने ग्राहकले लक्की ड्रमार्फत् बीएमडब्लू जी ३१० जिएस मोटरसाइकल, सुजुकी बर्गम्यान स्कुटर र सामसङ ग्यालेक्सी जेड फ्लिप ३ जित्नसक्ने कम्पनीले जनाएको छ। कम्पनीले दसैं, तिहारजस्ता चाडपर्वको उमंगमा खुसी थप्न सीमित अवधिका लागि यो स्किम ल्याएको हो।
यसैगरी, कम्पनीले कार पारखीलाई फक्सवागनको अल न्यू एसयूभी ताइगनको टेस्ट ड्राइभ र सट्टापट्टाको अवसर प्रदान गर्न ‘टाइगुन टेस्ट ड्राइभ एण्ड एक्सचेञ्ज क्याम्प’ सुरु गरेको छ। काठमाडौंको दरबारमार्गस्थित होटल अन्नपूर्णमा शुक्रबार सुरु भएको टेस्ट ड्राइभ एण्ड एक्सचेञ्ज क्याम्प असोज २५ सम्म चल्नेछ। त्यहाँ फक्सवागनको नयाँ एसयूभी टाइगुनको टेस्ट ड्राइभ र एक्सचेञ्ज गर्न सकिनेछ। क्याम्पमा कार खरिदकर्ताका लागि अन द स्पट फाइनान्सिङ, बिमा, सट्टापट्टा र बुकिङको सुविधा रहेको कम्पनीले जनाएको छ।
टेस्ट ड्राइभबाहेकको टाइगुन कार्निभल फेस्ट भने दरबारमार्गको वान दरबार मलमा तिहारसम्म चल्नेछ। कार्निभल अवधिमा उक्त एसयूभी खरिदकर्ताले आकर्षक नगद छुट, लोयल्टी बोनस, निःशुल्क एसेसोरिज, एक वर्षको रोड ट्याक्स, जति किलोमिटर कुदाए पनि दुई वर्षसम्मको वारेन्टी, एक्सचेञ्ज बोनस र सहज फाइनान्सिङको सुविधा पाउने छन्।
कार्निभल फेस्टलाई अझ उत्सवमय बनाउन कम्पनीले फेस पेन्टिङ, इन्टरएक्टिभ गेम, सेलिब्रेटीसँग भेटघाटको पनि व्यवस्था गरेको छ। कार्निमल फेस्ट सहभागी कार पारखी र उनीहरुसँगै आउने बालबालिकाका लागि आकर्षक गिफ्ट ह्याम्परको व्यवस्था छ। टेस्ट ड्राइभका सहभागीमध्येका भाग्यमानीले परिवारसहित हेलिकप्टरमा पवित्रस्थल गोसाइँकुण्ड पुगेर फर्किने अवसर पनि पाउन सक्छन्।
जर्मन इन्जिनियरिङमा आधारित अल न्यू फक्सवागन एसयूभी ताइगन ४० भन्दा बढी सुरक्षा विशेषताले सुसज्जित छ। सहरी इलाका, राजमार्ग र अफरोडमा अब्बल ड्राइभिङ अनुभव दिने यो एसयूभीको परिचयात्मक मूल्य ५० लाख ९० हजार रुपैयाँ तोकिएको कम्पनीले जनाएको छ। कार्निभलमा टाइगुनसँग एक्सचेञ्ज गरिने गाडीलाई उच्चतम मूल्य दिइने कम्पनीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
