काठमाडौं– पछिल्लो समय गायनमा फेरि सक्रिय रुपमा लागेका छन् गायक दिनेश गौतम। केही साताअघि मात्रै उनको ‘चरि’ बोलको गीत सार्वजनिक भएको थियो। उक्त गीत सार्वजनिक भएको दुई हप्ता नबित्दै गौतम नयाँ गीत लिएर आएका छन्।
उनको नयाँ गीत ‘राजाको हात्ती’ आज सार्वजनिक भएको छ। प्रायः गौतमले गाउनेभन्दा फरक किसिमको गीतसहित उनी प्रस्तुत भएका छन्।
गीत गौतम र अनु सिंहले संयुक्त रुपमा गाएका छन्। गीतको शब्द विदुर तिमल्सिना ‘देवदुत’ र संगीत संयोजन पुस्तक प्रसादको छ।
घर छाडेर राजगोरीका लागि बाहिरिनु परेको श्रीमान र श्रीमतीबीचको प्रेमलाई गीतले सम्बोधन गरेको छ। रहर पूरा गर्ने बाध्यताका कारण आफ्नो परिवार छाडी दूर देशमा पुग्नेको कथा भिडियोमा पनि उत्तिकै मार्मिक रुपमा प्रतुत भएको छ।
प्रिन्स डेनियलले निर्देशन गरेको भिडियोमा मुकुन भुसाल र श्रृष्टि खड्का मुख्य भूमिकामा देखिएका छन्। लोकमणि सापकोटा, शारदा गिरी र रचना लमिछानेले पनि भिडियोमा साथ दिएका छन्। गीतको शब्दमा जस्तै भिडियोले पनि मार्मिकता बोकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1785588615.png)
-1764146706.png)
