लागूऔषधसहितको पार्टीमा सामेल शाहरुख खानका छोरामाथि सोधपुछ

समाचार

नेपाल लाइभ आइतबार, असोज १७, २०७८ ११:३७

काठमाडौं– भारतको मुम्बईमा हाइप्रोफाइल पार्टीमा भएको लागूऔषधको प्रयोगको विषयमा बलिउड अभिनेता शाहरुख खानका छोरा आर्यनमाथि सोधपुछ भएको छ।

भारतको लागूऔषध नियन्त्रणसम्बन्धी सरकारी निकाय नारकोटिक्स कन्ट्रोल ब्युरो (एनसीबी)ले आर्यनलाई ‘कार्डेलिया द इम्प्रेस’ नामक जहाजमा भएको पार्टीको विषयमा सोधपुछ गरिरहेको भारतीय सञ्चारमाध्यमले उल्लेख गरेका हुन्।

शनिबार राति भइरहेको पार्टीमा एनसीबीले छापा मारेको थियो। ६ सयभन्दा धेरै मानिस रहेको उक्त पार्टीबाट एनसीबीले ३ युवतीसहित १३ जनालाई हिरासतमा लिएको छ। उनीहरुलाई लागूऔषधको सेवन गरेको आरोपमा पक्राउ गरिएको एनसीबीले जनाएको छ।

जहाजमा चलिरहेको पार्टीबाट एनसीबीले धेरै मात्रामा लागूऔषध बरामद गरेको बताइएको छ। ‘एमडी कोक’ र ‘हशीश’ नामक दुई किसिमका करोडौं मूल्य बराबरको लागूऔषध बरामद गरिएको छ।

शाहरुखका छोरा आर्यनले भने कुनैपनि किसिमको लागूऔषध प्रयोग नगरेको बयान दिएका छन्। उनलाई अदालती मुद्दा चलाउने वा नचलाउने भन्ने बारेमा हालसम्म कुनै निर्णय नभएको बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्त्री ओली र टर्कीका राष्ट्रपतिबीच टेलिफोन वार्ता

निजीकरण (पहिलो संशोधन) विधेयक पारित

विश्वकै खुसी नागरिक फिनल्यान्डका, नेपाली दक्षिण एसियाकै खुसी