काठमाडौं– भारतीय टेलिभिजन उद्योगमा बहुचर्चित र सफल कार्यक्रम निर्माता/सञ्चालक हुन्, कपिल शर्मा। ‘कमेडी नाइट्स विथ कपिल’मा हुँदा होस वा ‘द कपिल शर्मा शो’मा होस्, उनलाई दर्शकले निकै रुचाएका छन्। नेपालमा पनि उनको राम्रो चर्चा छ।
तर, सन् २०१७ मा भने कपिलले आफ्नो कार्यक्रम ‘द कपिल शर्मा शो’ केही समय बन्द गर्नुपरेको थियो। सन् २०१६ मा उनको पुरानो कार्यक्रम ‘कमेडी नाइट्स विथ कपिल’ अन्त्य भएपछि उनी नयाँ कार्यक्रममा काम गरिरहेका थिए। यो अवधिमा उनको कार्यक्रम पनि निकै सफल थियो।
तर, अचानक कपिल र अर्का कलाकार सुनील ग्रोवरबीच विवाद हुँदा कपिलको छवीमा प्रश्न उठ्यो।
उनलाई निकै नकरात्मक रुपमा दर्शकले लिन थालेका थिए। सफल कार्यक्रमको टिआरपी पनि निरन्तर ओरालो लाग्यो।
यही बेला कपिल भने डिप्रेसनको सिकार भए। उनी हरेक दिन आफ्नो कार्यक्रममा अबेर पुग्ने गरेका थिए। भारतीय सञ्चारमाध्यमकाअनुसार त्यो बेला कपिलले बलिउडका अजय देवगनदेखि शाहरुख खानजस्ता कलाकारलाई समेत कुराएका थिए।
यसबीच आफूलाई केही समय व्यवस्तताबाट निकालेर फेरि कम ब्याक गर्ने निधो गरे कपिलले। सामाजिक सञ्जालदेखि कला क्षेत्रमै पनि उनीमाथि भइरहेको नकरात्मक टिप्पणी र सुनिलसँगको विवादका कारण आफ्नो कार्यक्रमलाई भइरहेको घाटालाई मध्यनजर गर्दै उनले केही समय शोलाई ब्रेक गर्ने निधो गरे।
सेप्टेम्बर महिनादेखि उनको कार्यक्रम बन्द भयो। कपिलले अभिनय गरेको फिल्म फिरंगी पनि प्रदर्शनको बाटोमा थियो। कपिलले त्यत्तिबेला भनेका थिए, ‘म आफ्नो स्वास्थ्यलाई बढी प्राथमिकता दिँदै केही समयका लागि शोबाट ब्रेक लिँदै छु। मेरो फिल्म पनि आउँदै छ। पहिले मेरो स्वास्थ्य ठीक हो भन्ने चाहेर मैले ब्रेक लिन लागेको हुँ।’
२०१७ सेप्टेम्बरमा उनले लिएको ब्रेक २०१८ डिसेम्बरसम्म पुग्यो। यसबीच उनले गिन्नी चतरथसँग विवाह पनि गरे।
डिसेम्बरबाट भने फेरि उनले कपिल शर्मा शोको सुरुवात गरे। १३० एपिसोड प्रसारण भएपछि पहिलो सिजन बन्द भएको थियो। दोस्रो सिजनमा भने कपिल थप उत्साह र नयाँ पनसहित आए। १७७ एपिसोडको दोस्रो सिजन निकै सफल पनि भयो।
कपिलले आफूले श्रीमतीको साथले डिप्रेसनबाट मुक्त हुन सकेको बताउँछन्। उनले भनेका छन्, ‘म डिप्रेसनसँग जुँधिरहँदा मेरी श्रीमतीले मलाई साथ दिइन्। मेरो आमा गाउँकी सामान्य महिला हुन्, उनलाई यो मानसिक स्वास्थ्यको कुरा थाहा छैन्। तर, श्रीमतीले मलाई निरन्तर हौसला दिएर फेरि पहिलेकै उत्साहमा पुर्याएकी थिइन्।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_aDpltwY0rK-1782355389.webp)
-1764146706.png)
-1782224905-1782225890.jpeg)
