काठमाडौं– नेपाल नागरिक उड्डयन प्राधिकरणको निमित्त महानिर्देशक राजकुमार क्षेत्री नियुक्त भएका छन्। महानिर्देशक राजन पोखरेलले पदबाट राजीनामा दिएसँगै उपमहानिर्देशक क्षेत्री निमित्त महानिर्देशक बनाइएको हो।
वरिष्ठताका आधारमा क्षेत्रीलाई निमित्त महानिर्देशकको जिम्मेवारी दिएको संस्कृति पर्यटन तथा नागरिक उड्डयन मन्त्रालयले जनाएको छ।
३४ वर्ष हवाई उड्डयन क्षेत्रमा सेवा गरेका क्षेत्री १२औँ तहमा उपमहानिर्देशकको जिम्मेवारीमा कार्यरत थिए।
क्षेत्री यसअघि त्रिभुवन विमानस्थलको महाप्रबधकसँगै भैरहवा, भरतपुर, विराटनगर र जनकपुर विमानस्थल प्रमुखसमेत भैसकेका थिए।
महानिर्देशक पोखरेलले मंगलबार साँझ पदबाट राजीनामा दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
