‘जातको प्रश्न’को दोस्रो संस्करणको घोषणा

समाचार

‘जातको प्रश्न’को दोस्रो संस्करणको घोषणाराजेश हमालसँगै दयाहाङ राई र प्रकाश सपूतले पनि कार्यक्रम सञ्चालन गर्ने

नेपाल लाइभ शनिबार, भदौ २६, २०७८ १६:००

काठमाडौं- समता फाउन्डेसनले निर्माण गरेको कार्यक्रम ‘जातको प्रश्न’मा अभिनेता दयाहाङ राई, गायक प्रकाश सपुत, मानवअधिकारकर्मी मोहना अन्सारी र सञ्चारकर्मी निष्मा चौधरी प्रवेश गरेका छन्। शनिबार काठमाडौंमा आयोजित एक कार्यक्रममा जातको प्रश्नको दोस्रो संस्करणको घोषणा गर्दै पुराना सञ्चालक अभिनेता राजेश हमालसँगै थप सञ्चालक थपिएको जानकारी दिइएको हो।

अक्टोबर ६ बाट सुरु हुने कार्यक्रम जम्मा १२ भागको हुने फाउन्डेसनले जनाएको छ। गत वर्ष कार्यक्रमका सबै अंश अभिनेता हमालले मात्रै सञ्चालन गरेका थिए। यो वर्ष भने कार्यक्रममा सामेल भएका सबैले कम्तीमा दुई भाग सञ्चालन गर्ने फाउन्डेसनले जनाएको छ।

लोस्रो संस्करणको घोषणा गर्दै फाउन्डेसनले जातसँग जोडिएका साझा हुनुपर्ने र जातबारे सबै जातजातिले छलफल गर्न आवश्यक भएको भाष्य निर्माणले ‘जातको प्रश्न’ कार्यक्रमको दोस्रो संस्करण सुरुआत गरिएको बताएको छ।

दोस्रो संस्करणलाई शान्ता नेपालीले निर्देशन गर्नेछिन्। यसमा अनुसन्धानकर्ता तथा लेखकको रुपमा विवेक रेग्मी, भानु बोखिमसहित समता फाउन्डेसनकै अनुसन्धानकर्ताको टोली समावेश हुने जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कांग्रेस केन्द्रीय कार्यसम्पादन समितिको बैठक जारी

सुशासन र समतामूलक समाज निर्माणमा तदारूकता आवश्यक छ : राष्ट्रपति पौडेल

सेयर बजारमा उच्च गिरावट