तेह्र दिनमै एक करोड भ्यूज पाउने गीत बन्यो ‘चरी जेलैमा’

समाचार

नेपाल लाइभ मंगलबार, भदौ १५, २०७८ १५:०१

काठमाडौं- अहिले सामाजिक सञ्जालमा निकै चर्चामा रहेको गीत ‘चरि जेलैमा’ले छोटो समयमा एक करोडभन्दा धेरै युट्युब भ्यूज पाएको छ। विष्णु माझीको आवाजमा रहेको गीत सार्वजनिक भएको १३ दिनमै १ करोड ३ लाखभन्दा धेरै पटक हेरिएको छ।

तीज विशेष रहेर ‘पुतलीको भट्टी भाग १७’ को रुपमा आएको यो गीतले नेपाली युट्युब र गीत संगीत क्षेत्रमै छोटो समयमा १ करोड पटक हेरिएको रेकर्ड समेत बनाएको छ।

टिकटकदेखि अन्य सामाजिक सञ्जालमा चर्चामा रहेको यो गीत विष्णु माझीको गुमनाम जीवनको प्रसंगका कारण पनि निकै चर्चामा आयो। कार्यक्रमदेखि सामाजिक सञ्जाल कतै पनि सार्वजनिक रुपमा प्रस्तुत नहुने माझीको गुमनाम जीवनको चर्चा हुँदा उनको गीत 'चरी जेलैमा'ले पनि राम्रो चर्चा कमाएको छ। विष्णुको गुमनाम जीवनको चासो बढेसँगै गीतले पनि अत्यधिक चर्चा पाएको हो।

यसअघि ‘केन्द्र मोसश पिक्चर्सले निर्माण गरेको ‘फुल बुट्टे सारी’ र ‘टाढा भएपनि’ गीतले छोटो समयमा एक करोड पटक हेरिएको रेकर्ड बनाएका थिए। विष्णु माझीको गीतले भने दुवैको रेकर्डलाई उछिन्दै १३ दिनमै एक करोड पटक हेरिएको छ।

माझीको यो गीतमा आवाज उनकै छ भने शब्द तथा संगीत उनका श्रीमान सुन्दरमणि अधिकारीको रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीनकुनेको आगलागीमा परी एभिन्युज टिभीका पत्रकारको मृत्यु

यो आन्दोलन र यसको क्षतिको जिम्मेवार दुर्गा प्रसाईं : गृह मन्त्रालय

तीनकुने झडपमा एक जनाको मृत्यु