काठमाडौं- जनगायक जेबी टुहुरेको सम्पूर्ण उपचार खर्च सरकारले व्यहोर्ने भएको छ।
सत्तारुढ दल नेपाली कांग्रेसका प्रवक्ता विश्वप्रकाश शर्माले टुहुरेको सम्पूर्ण उपचार खर्च सरकारले व्यहोर्न लागेको सामाजिक सञ्जालमार्फत् जानकारी दिएका हुन्।
गत मंगलबार कलंकीस्थित आफ्नै निवासमा लडेपछि ७६ वर्षीय टुहुरेलाई बल्खुस्थित बयोधा अस्पताल लगिएको थियो।
उनको अहिले सीसीयू कक्षमा उपचार भइरहेको र चिकित्सकले मष्तिष्कको नशा सुन्निएको जानकारी दिएको उनीनिकट नेता सरल सहयात्रीले जानकारी दिए।
उपचारमा संलग्न चिकित्सकले टुहुरेलाई ‘स्ट्रोक’ भएको बताएका उनले बताए। २०२४ सालदेखि सांगीतिक क्षेत्रमा प्रवेश गरेका टुहुरेले १ सय ५० भन्दा बढी गीत रेकर्ड गराएका छन्।
दोस्रो संविधान सभामा तत्कालीन एनेकपा माओवादीबाट समानुपातिक सभासदसमेत बनेका उनको उपचार गराउन प्रवक्त शर्माले सरकारको ध्यानकर्षण गराएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768295773.png)
-1764146706.png)
