काठमाडौं– नेपाली कांग्रेसका क्रियाशील सदस्यहरुको अन्तिम नामावली प्रकाशन हुन अझै केही दिन लाग्ने भएको छ।
क्रियाशील सदस्यतासम्बन्धी विवाद समाधान गर्न तयार पारिएको 'खाका' आइतबार सभापति एवम् प्रधानमन्त्री शेरबहादुर देउवालाई बुझाउने कार्य नभएकाले सदस्यहरुको अन्तिम नामावली प्रकाशन हुन अझै केही दिन लाग्ने भएको हो।
पूर्वमहामन्त्री कृष्णप्रसाद सिटौला तथा केन्द्रीय सदस्यद्वय मिनेन्द्र रिजाल र रमेश लेखक रहेको कार्यदलले क्रियाशील सदस्यताको विवाद समाधानसम्बन्धी खाका तयार पारेको थियो। उक्त खाका आइतबार सभापति देउवालाई बुझाउने तयारी थियो।
तर, आइतबार 'समयअभाव'का कारण सभापतिलाई समाधानको खाकासहितको प्रतिबेदन बुझाउन नसकिएको बताएको छ। कांग्रेस प्रवक्ता विश्वप्रकाश शर्माले सम्भवत: सोमबार उक्त प्रतिवेदन सभापतिलाई बुझाइने बताए।
कांग्रेस केन्द्रीय समितिको बैठकले क्रियाशील सदस्यताको विवाद टुंग्याउनका लागि सिटौला, रिजाल र लेखक सम्मेलित कार्यदल गठन गर्ने निर्णय गरेको थियो।
कांग्रेस केन्द्रीय समिति बैठकले भदौ ३ भित्र क्रियाशील विवाद टुंग्याउनुपर्ने जिम्मेवारी कार्यदललाई दिएको थियो। कार्यदलले तोकिएको समयभन्दा चार दिन ढिला गरी आइतबार प्रतिवेदन बुझाउने तयारी गरेको थियो। तर, फेरि केही 'प्राविधिक' विषय मिलाउन समय नपुगेकाले नबुझाइएको नेताहरुको भनाइ छ।
कांग्रसमा क्रियाशील सदस्यता नवीकरण र अन्य दलबाट आएकाको समायोजन पश्चात वितरण गरिएको सदस्यतामा विवाद छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
