ओलीको प्रश्न : संसद् छलेर संयुक्त सरकारको साझा कार्यक्रम किन ल्याइयो?

राजनीति

नेपाल लाइभ मंगलबार, साउन २६, २०७८ १४:४९

काठमाडौं- पूर्वप्रधानमन्त्री तथा प्रतिपक्ष दलका नेता केपी शर्मा ओलीले संसद् छलेर सरकारले न्यूनतम साझा कार्यक्रम ल्याएकोप्रति आपत्ति जनाएका छन्।

आफ्नो कार्यकालमा संसद् छलेको आरोप लगाउनेहरुले नै संसद्लाई वेवास्ता गरेको उनले टिप्पणी गरे। मंगलबार प्रतिनिधि सभाको बैठकमा बोल्ने क्रममा उनले भने, ‘साउन २६ गते संसद् बस्दैछ। साउन २४ मा संसद्‌बाहिर कतै संयुक्त सरकारको साझा न्यूनतम कार्यक्रमको एउटा कागज प्रस्तुत भयो। संसद् किन छल्नु पर्‍यो? आज किन प्रस्तुत गर्न सक्नुभएन?

संसद्‌मा प्रस्तुत नभएपछि त्यसलाई मान्यता दिने कार्यमा प्रश्न उठ्ने उनले बताए। संसद्‌बाहिर सार्वजनिक गरिएकाप्रति उनले भने, ‘त्यसलाई मान्यता दिने कि नदिने? त्यसलाई सरकारको भन्ने कि नभन्ने। संसद् चलिरहेको बेला छलेर किन सार्वजनिक गनुपर्‍यो?’

दुई दिनअघि सरकारको तर्फबाट सार्वजनिक भएको संयुक्त सरकारको न्यूनतम साझा कार्यक्रमको नामाकरणप्रति समेत उनले प्रश्न उठाए। ‘संयुक्त सरकारको साझा न्यूनतम कार्यक्रम’ भनेपछि ‘साझा/सहकारी’ किन लेख्न पर्‍यो। सरकारको कार्यक्रम हो कि साझा कार्यक्रम हो यो? संयुक्त भनेपछि त साझा भन्ने त त्यहाँ आइहाल्यो नि!', ओलीले भने।

गठबन्धनका नेताहरूलाई संयुक्त फोटो देखाउनुपर्ने लोभमा संसद्‌बाहिर सार्वजनिक गरिएको उनले आरोप लगाए। ‘गहिरो समझदारीका कारणले सबै नेताहरु फोटोमा आउनुपर्ने होला। यहाँ (संसद्‌मा) पेश गर्दा एक जनाले पेश गर्नुपर्ने होला’, ओलीले भने, ‘कुनै ओहोदामा नभएको मान्छेको त फोटो नआउला। त्यसो भएर गठबन्धनको फोटो आउनु पर्‍यो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ब्रह्माण्ड किन बन्यो भन्ने प्रश्नको उत्तर खोज्न वैज्ञानिक प्रतिस्पर्धा

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक