काठमाडाैं– गठबन्धन सरकारले विदेशमा रहेका नेपालीलाई मतदानको अधिकार दिलाउन पहल गर्ने भएको छ। संयुक्त सरकारको साझा न्युनतम कार्यक्रममा उक्त विषयलाई समावेश गरिएको छ।
प्रवासमा रहेका नेपालीहरुले मताधिकारका लागि आवाज उठाउँदै आएपनि कार्यान्वयनमा आउन सकेको थिएन। गठबन्धन सरकारले मताधिकार प्रदान गर्न पहल गर्ने बताएको छ। ऊर्जाशिल युवा जनशक्तिलाई विदेश पलायन हुनबाट जोगाउने प्रयास सरकारले गर्ने बताइएको छ।
साझा कार्यक्रममा युवाको अधिकार शिक्षा र रोजगारको अवधारणालाई व्यावहारिक रूप दिने उल्लेख छ। मजदूर, किसान, बौद्धिक पेसाकर्मीलगायत श्रमजीवी वर्गको श्रमको सम्मानका साथै रोजगारका लागि ठोस नीति बनाउने सरकारको लक्ष्य छ। शैक्षिक बेरोजगारलाई प्रमाणपत्र धितो राखी दिइने ऋण व्यवस्थालाई सहज बनाउने विषय साझा कार्यक्रमा समावेश गरिएको छ। बेरोजगार लक्षित कार्यक्रम सञ्चालनमा ल्याउने बताइएको छ।
भूमिहीनलाई भूमि उपलब्ध गराउनुको साथै कृषि मजदूर, मुक्त कमैया, हलिया, बाँधा र भूमिहीन किसानको आर्थिक, सामाजिक उत्थान र बसोबासको व्यवस्था गरिने भएको छ।
अर्थतन्त्र अत्यधिक मात्रामा विप्रेषणमा निर्भर रहेको स्विकारिएको छ। अर्थतन्त्रलाई उत्पादनशील अर्थतन्त्रमा रूपान्तरण गर्न औद्योगीकरणलाई उच्च प्राथमिकता सरकारले दिने भएको छ। आयात प्रतिस्थापन र निर्यात प्रबर्द्धनमूलक उद्योगको विकासमा जोड गठबन्धनको साझा कार्यक्रमम उल्लेख छ।
पुँजी, श्रम र उद्यमशीलताको संयोजन गरी देशलाई औद्योगीकरण गर्ने सरकारी लक्ष्य छ। देशको मध्यभागमा पर्ने गरी एउटा हाइटेक सिटी बनाउन कार्यलाई सरकारले प्रारम्भ गर्ने भएको छ।
पूर्वपश्चिम लोकमार्ग ४ लेन र काठमाडौ उपत्यकाको रिङरोड ८ लेन बनाउने कार्यलाई सम्पन्न गर्न प्राथमिकता दिने गठबन्धन सरकारको कार्यक्रम छ। हुलाकी राजमार्ग लगायतका पूर्व पश्चिम लोकमार्ग र उत्तर दक्षिणका कोरिडर तथा व्यापारिक मार्गहरू प्राथमिकताका साथ निर्माण गर्ने सरकारी तयारी रहेको उल्लेख गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
