प्रहरीमा शान्ति मिसनको परीक्षाको प्रश्नपत्र लिक भएको आशंका, छानबिन समिति गठन

सुरक्षा/अपराध

नेपाल लाइभ मंगलबार, साउन १९, २०७८ १४:५२

प्रहरी प्रधान कार्यालय, फाइल तस्वीर

काठमाडौं– शान्ति मिसनमा सहभागी हुने प्रहरी प्रहरी प्रधान कार्यालयले लिएको प्रि–स्याट परीक्षाको प्रश्नपत्र ‘लिक’ भएको आशंका गरिएको छ। गत शुक्रबार र शनिबार प्रहरी प्रधान कार्यालयको युएन शाखाले लिएको प्रि–स्याटको परीक्षामध्ये शनिबारको एक सिफ्टको प्रश्नपत्र लिक भएको आशंका गरिएको छ।

प्रश्नपत्र आउट भएको आशंका भएपछि प्रहरी प्रधान कार्यालयले छानबिन समिति गठन गरेर अनुसन्धान सुरु गरेको छ। प्रहरी प्रवक्ता एसएसपी वसन्त कुँवरले प्रश्नपत्र लिक भएको गुनासो आएपछि छानबिन समिति गठन गरिएको नेपाल लाइभलाई बताए।

उनका अनुसार प्रहरी नायव महानिरीक्षक (डीआईजी)को संयोजकत्वमा समिति गठन भएको छ। समितिले छानबिन गरी यसको प्रतिवेदन पेस गरेपछि मात्रै वास्तविकता बाहिर आउने प्रवक्ता कुँवरको भनाइ छ।

पूर्वनिर्धारित तालिकाभन्दा झण्डै एक घण्टा ढिलो गरी शनिबार परीक्षा सुरु भएको थियो। जसकारण प्रश्नपत्र आउट भएको आशंका गरिएको छ।

संयुक्त राष्ट्रसंघ (युएन)को शान्ति मिसनमा जाने प्रहरीका लागि प्रहरी प्रधान कार्यालयले आन्तरिक रुपमा प्रि–स्याट परीक्षा लिँदै आएको छ। यसमा उत्तिर्ण हुने मात्रै युन मिसनको फाइलन परीक्षा (स्याट)मा सहभागी हुन पाउँछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

म्यान्मामा युद्धविरामको म्याद थपगर्न मलेसियाको आग्रह

हात्ती सफारी व्यवस्थित गर्न माहुतेलाई प्रशिक्षण

जङ्गली च्याउ खाँदा इलाम माङसेबुङमा दुई जनाको मृत्यु