हास्य कलाकार चम्सुरीलाई मिर्गौला दिन ५ जना तयार

समाचार

नेपाल लाइभ आइतबार, साउन १०, २०७८ १४:५५

काठमाडाैं- हास्य कलाकार पल्पसा ढंगोल 'चम्सुरी'ले मिर्गौला पाउने भएकी छन्। झण्डै पाँच वर्षदेखि मिर्गौलाको समस्याबाट पीडित डंगोलले मिर्गौला पाउने भएकी हुन्। उनी दुवै मिर्गौला फेल भएपछि हाल टिचिङ अस्पतालमा उपचार गराइरहेकी छन्।

पल्पसाको अवस्था थाहा पाएपछि उनलाई सहयोग गर्न विभिन्‍न व्यक्ति र संघसंस्था जुर्मुराएका थिए। तर, उनले आफूलाई आर्थिक सहयोग आवश्यक नपरेको भन्दै प्रत्यारोपणका लागि मिर्गौला चाहिएको बताएकी थिइन्।

यो कुरा थाहा पाउनेबित्तिकै उनका धेरै फ्यानहरु मिर्गौला दिन तयार भएका थिए। तर, नेपालको कानुनले हाडनाता सम्बन्ध भएका मानिसले मात्रै मिर्गौला दिन पाइने व्यवस्था गरेको छ।

त्यसैले हाडनाता सम्बन्धबाटै उनले मिर्गौला पाएकी छन्। आफन्तबाटै मिर्गौला दिन पाँच जना आएको पल्पसाका भाइ राजुले जानकारी दिएका छन्। अहिले मिर्गौला दाताको स्वास्थ्य, ब्लड ग्रुपलगायतको परीक्षण भइरहेको उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

संघीय अस्पताल विकास समितिको आम्दानीको १ प्रतिशत स्वास्थ्य बीमा कोषमा जम्मा गर्ने मन्त्री पौडेलको निर्णय

यी हुन् तीनकुने घटनामा म्याद थप भएका ४१ प्रतिवादी र यस्ता मुद्दा लगाइयो (सूचीसहित)

थाइल्याण्ड भ्रमण र बिमस्टेक सम्मेलनमा सहभागिताबारे प्रधानमन्त्रीले गरे परामर्श