३७ वर्ष चलेको कुमारी हल सधैंका लागि बन्द

समाचार

नेपाल लाइभ मंगलबार, असार २२, २०७८ १४:०५

काठमाडौं- कोभिड-१९ महामारीका कारण लामो इतिहास बोकेको कुमारी हल बन्द भएको छ। हलको खर्च धान्न नसकेपछि क्युएफएक्स चेन कमलपोखरीमा रहेको दुई अडिटोरियम हल बन्द भएको हो।

हलबाट धमाधम सामान हटाउन थालिएको छ। अब यो हल भवनका रुपमा अन्य प्रयोजनका लागि प्रयोग गरिनेछ।

३७ वर्षअघि जय सन्तोषी माता नामको फिल्म कुमारी हलमा प्रर्दशन भएको थियो। सिंगल थिएटरबाट सुरु भएपनि २०६२ सालबाट क्युएफएक्सले हल चलाइरहेकाो थियो।

खुला ठाउँमा भएकै कारण कुमारी हलमा फिल्म महोत्सव, चलचित्रको च्यारिटी, प्रिमियर सो लगायतका कार्यक्रम धेरै हुन्थ्यो। त्यसैगरी कुमारी हलले प्रत्येक हप्ता बिहीबार फिल्म हेर्न ५० प्रतिशतसम्मको विशेष छुट समेत दिने गरेको थियो।

कम बजेट भएका फिल्मप्रेमीका लागि विशेष रहेको कुमारी हल सधैंका लागि बन्द भएको। कोभिडको पहिलो लहरपछि केही नयाँ हल खुलेपनि बन्द हुनेको संख्या बढी छ। उपत्यकाबाहिर रहेका हलहरु पनि कहिल्यै नखुल्ने गरेर बन्द भइरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुपोषणले अस्ताए ‘लाज शरणम’का विकास

मापसे गरी अभद्र व्यवहार गरेको आरोपमा प्रमुख प्रशासकीय अधिकृत पक्राउ

अनुगमनका लागि महिनामा सात पटकसम्म पुगेपछि वीरगञ्ज बालसुधार गृहमा तनाव