काठमाडौं– कोरोना संक्रमणको दोस्रो लहर सुरु भएपछि ठप्प भएका आन्तरिक हवाई उडान बिहीबारदेखि पुनः सञ्चालनमा आएका छन्। बिहीबारबाट देशका बिभिन्न गन्तव्यमा दैनिक ५९ उडान हुने नेपाल नागरिक उड्डयन प्राधिकरणले जनाएको छ।
प्राधिकरणले बिहान ६ देखिदेखि बेलुकी ६ बजेसम्मको उडान तालिका सार्वजनिक गरेको छ।
असार ७ गतेको मन्त्रिपरिषद् बैठकले उडान स्वीकृति दिएसँगै प्राधिकरणले वायु सेवा कम्पनीहरुसँग छलफल गरी आजबाट आन्तरिक उडान शुरु गर्ने निर्णय गरेको थियो।
मन्त्रिपरिषद् बैठकले ५० प्रतिशत क्षमतामा आन्तरिक उडान खुला गर्ने निर्णय गरेको थियो। कोरोना संक्रमण बढेसँगै जारी गरिएको निषेधाज्ञापछि बन्द आन्तरिक उडान करिब २ महिना पछि खुला भएको हो।
प्राधिकरणले तोकेको कोटा अनुसार अहिले बुद्ध एयरले ३१, यती एयरले १५, श्री एयअरले सात, सौर्य एयअरले तीन, नेपाल एयरले दुई, तारा एयरले दुई, समिट एयरले दुई र सीता एयरले दुई उडान गर्नेछन्। आन्तरिक उडान वैशाख २० गतेबाट बन्द गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751859077.png)
-1751793737.png)
-1749826086.png)
