देउवालाई प्रधानमन्त्री नियुक्त नगर्न राष्ट्रपतिको बदनियत देखियो : वरिष्ठ अधिवक्ता भण्डारी

राजनीति

नेपाल लाइभ आइतबार, असार १३, २०७८ १२:०१

काठमाडौं- वरिष्ठ अधिवक्ता सविता भण्डारीले राष्ट्रपति विद्यादेवी भण्डारीको कार्यशैलीमा बदनियत देखिएको टिप्पणी गरेकी छन्।

प्रतिनिधि सभा विघटन मुद्दामा आइतबार सर्वाेच्च अदालतको संवैधानिक इजलासमा रिट निवेदकका तर्फबाट बहस गर्दै उनले १४९ जना प्रतिनिधि सभा सदस्यको समर्थन लिएर गएका शेरबहादुर देउवालाई प्रधानमन्त्री नियुक्त नगर्नुमा राष्ट्रपतिको बदनियत लुकेको तर्क गरिन्।

'संविधानको ७६(४) अनुसार विश्वासकाे मत लिनु पर्नेमा ओलीले नलिइ मार्ग प्रशस्त गरेकाे तर्ककै आधारमा प्रतिनिधि सभा विघटन गर्नु भयाे। कुनै पनि सांसदले प्रधानमन्त्री दाबी गर्ने आधार लिएर गए नियुक्त पाउने व्यवस्था धारा ७६ (५) हाे', उनले भनिन्।

धारा ७६ (४) अनुसार विश्वासकाे मत पाउने सम्भावना नभएकाे र अधिकार नभएकाे अवस्थामा प्रधानमन्त्री ओलीले एमाले र जसपाकाे सर्मथन रहेको दाबी गरेकाले उनकाे त्यो दाबी खारेज गर्नुपर्ने उनकले बताइन्।

'देउवालाई नियुक्ति दिनु पर्ने थियाे। याे अन्य देशकाे भन्दा भिन्न व्यवस्था हाे। अब अदालतलबाट स्वतन्त्र र निष्पक्ष आदेश हुने विश्वास लिएका छाैं, भण्डारीले भनिन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हेमन्तको कप्तानीमा यु–१९ एसिया कप खेल्ने टोली घोषणा

राष्ट्रिय गौरवका आयोजनाहरुको ब्रिफिङ लिँदै प्रधानमन्त्री ओली

आजदेखि धरहरा खुल्दै, कसलाई कति शुल्क?