राष्ट्रपतिको कदमले महाअभियोगको 'ग्राउण्ड' बनेको छ: अधिवक्ता टिकाराम भट्टराई

राजनीति

नेपाल लाइभ शुक्रबार, असार ११, २०७८ १३:२४

फाइल तस्वीर

काठमाडौं- अधिवक्ता टिकाराम भट्टराईले ७६(५) अनुसार प्रधानमन्त्री नियुक्त गर्नु पर्नेमा कसैलाई नियुक्त नगर्ने अधिकार राष्ट्रपतिलाई कहाँ छ भनि प्रश्न गरेका छन्।

प्रतिनिधि सभा विघटन मुद्दामा शुक्रबार सर्वोच्च अदालतको संवैधानिक इजलासमा बहस गर्ने क्रममा अधिवक्ता भट्टराईले राष्ट्रपतिको कदमले महाअभियोगको 'ग्राउण्ड' बनेको बताए। '७६(५) अनुसार प्रधानमन्त्री नियुक्त गर्नु पर्नेमा कसैलाई नियुक्ति नगर्ने अधिकार राष्ट्रपतिलाई कहाँ छ? भोलि चार जनाले दाबी गरे म कसैलाई गर्दिन भन्न पाईन्छ? महाअभियोगको ग्राउन्ड बनेको छ' इजलाससमक्ष उनले भने।

संविधान निर्माताले तोकिएको काम नगर्ने राष्ट्रपति र उपराष्ट्रपतिको कल्पना नगरेको उनको भनाइ थियो।

'न्यायाधीशले मुद्दा हेर्दिन भन्न, प्रधानमन्त्रीले सरकार चलाउदिन भन्न पाउँछ?' प्रश्न गर्दै उनले भने, 'कर्तव्य निर्वाह नगर्ने अधिकार राष्ट्रपतिलाई छैन? कसै न कसैलाई गर्नु पर्ने कर्तव्य थियो। गर्नेभित्र नगर्ने अधिकार छैन।'

राति ११ बजे महन्थ ठाकुर कसरी शितलनिवास पुगे भन्दै उनले प्रश्न गरे। 'मध्यरात किन ठाकुरलाई चै दिने अरुलाई चै नदिने श्रीमान्', उनले भने, 'राष्ट्रपतिले कसैलाई दिने कसलाई नदिने अधिकार दिन्छ?'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हेमन्तको कप्तानीमा यु–१९ एसिया कप खेल्ने टोली घोषणा

राष्ट्रिय गौरवका आयोजनाहरुको ब्रिफिङ लिँदै प्रधानमन्त्री ओली

आजदेखि धरहरा खुल्दै, कसलाई कति शुल्क?