संविधानको व्यवस्था काटेर अध्यादेशमार्फत् बजेट ल्याउन पाइँदैन : शम्भु थापा

राजनीति

नेपाल लाइभ बुधबार, असार ९, २०७८ १६:४४

काठमाडौं- वरिष्ठ अधिवक्ता शम्भु थापाले संविधानमा भएको व्यवस्था काटेर अध्यादेशमार्फत् बजेट ल्याउन नपाइने बताएका छन्।

प्रतिनिधि सभा विघटन मुद्दामा बुधबार सर्वाेच्च अदालतको संवैधानिक इजलासमा रिट निवेदकका तर्फबाट बहस गर्दै उनले सरकारले प्रतिनिधि सभा विघटन गरेर अध्यादेशमार्फत् शासन चलाउन खोजेको बताए।

'अध्यादेशबाट बजेट ल्याउने भए जेठ १५ मा बजेट ल्याउने भनेर संविधानमा किन लेखेको? संविधानमा भएको व्यवस्था काटेर अध्यादेशमार्फत् बजेट ल्याइयो। यो गलत छ', थापाले भने।

थापाले राष्ट्रपतिले संविधान अनुसार चल्नुपर्ने पनि बताएका छन्। उनले राष्ट्रपतिले राजनीतिक आधारलाई हेरेर नभई संविधान हेरेर निर्णय गर्नुपर्ने बताए।

'राष्ट्रपतिले संविधान हेरेर निर्णय गर्ने हो कि राजनीतिक आधार हेर्ने हो? कार्यकारिणी अधिकार मन्त्रिपरिषद्‌मा हुन्छ। राष्ट्रपतिलाई होइन', थापाले भने।

प्रधानमन्त्रीले प्रतिनिधि सभा विघटनको सिफारिस गर्दा राष्ट्रपतिले संविधानका प्रक्रिया पूरा भएको छ कि छैन भनेर हेर्नुपर्नेमा त्यसो नगरिएको थापाले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माल्दिभ्सका विद्यार्थी नेपालमा चिकित्सा शिक्षा अध्ययन गराउन द्विपक्षीय सम्झौताको तयारी

गोरखाको इतिहास अध्ययन र प्रवर्द्धन गर्न ‘स्रष्टा पदयात्रा’

प्रचण्ड र तत्कालीन सरकार मिलेर राजा वीरेन्द्रको वंशनाश गरे : ज्ञानेन्द्र शाही