काठमाडाैं- सवारी दुर्घटना गराएर फरार भएका एक युवक पक्राउ परेका छन्। बर्दिया बाँसगढी नगरपालिका ८ ककौरा बस्ने ३६ वर्षीय रामभरोसे थारुलाई प्रहरीले शनिबार पक्राउ गरेकाे हाे।
प्रहरीका अनुसार जेठ २४ गते बिहान बर्दिया बाँसगढी नगरपालिका ९ माछागढस्थित पूर्वपश्चिम राजमार्ग सडक खण्डमा अज्ञात माेटरसाइकलले बाँसगढी ८ बेलौरी बस्ने प्रेमी थारुलाई ठक्कर दिएकाे थियाे।
दुर्घटनामा सख्त घाइते भएकी थारुको उपचारको क्रममा २६ गते दिउँसो १३:३० बजे नेपालगञ्जस्थित मेडिकल कलेज कोहलपुर बाँकेमा मृत्यु भएको थियाे।
घटनापश्चात ईलाका प्रहरी कार्यालय मोतिपुर बर्दियाका प्रहरी निरीक्षक बिरेन्द्रसिंह थापाको कमाण्डमा अनुसन्धान टोली बनाइएकाे थियाे।
निरन्तर अनुसन्धान गर्दै जाँदा ठक्कर दिने भे३प १२५४ को माेटरसाइकल रामभरोसेकाे भएकाे खुल्न आएकाे प्रहरीकाे भनाइ छ।
उनलाई खोजतलास गर्ने क्रममा शनिबार गते दिउँसो लुकीछिपी बसेको अबस्थामा स-प्रमाण फेला पारी पक्राउ गरिएकाे प्रहरीले जनाएकाे छ।
उनलाई आइतबार बर्दिया जिल्ला अदालतमा उपस्थित गराइ सवारी ज्यान मुद्दामा थप अनुसन्धानको लागि म्याद थप गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
