धनुषा– ड्युटीमा रहेका प्रहरीलाई ढुङ्गा प्रहार गरेको आरोपमा धनुषा प्रहरीले ३ जनालाई पक्राउ गरेको छ।
प्रहरीले धनुषाधाम नगरपालिका-९ धारापानी बस्ने ३० वर्षीया सुशीला थापा लगायत ३ जनालाई शनिबार साँझ पक्राउ गरेको हो।
धनुषाधाम नगरपालिका-९ धारापानीमा अवैध घरेलु मदिरा उत्पादन गर्ने कच्चा पदार्थ र तयारी मदिरा नियन्त्रणमा लिन इलाका प्रहरी कार्यालय ढल्केवरबाट खटिएको प्रहरीलाई ढुङ्गा प्रहार गर्नुका साथै मदिरा छ्यापेपश्चात उनीहरुलाई प्रहरीले नियन्त्रणमा लिएको हो।
ढुङ्गा प्रहारबाट १ जना प्रहरी कर्मचारी घाइते भएका छन् भने इलाका प्रहरी कार्यालयको गाडीको अगाडिको सिसा समेत फुटेर क्षति भएको छ।
पक्राउ परेका तीनै जनामाथि थप अनुसन्धान भइरहेको जिल्ला प्रहरी कार्यालय धनुषाले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
