अक्सिजन उद्योगका उपकरण आयातमा भ्याट र कर छुट, अक्सिजन प्लान्ट जडानमा निजीलाई ५० प्रतिशत अनुदान

अर्थ समाचार

नेपाल लाइभ शनिबार, जेठ १५, २०७८ १६:३८

काठमाडौं– सरकारले अक्सिजन उद्योग स्थापना गर्न आवश्यक पर्ने उपकरण आयात गर्दा लाग्ने भन्सार र मूल्य अभिवृद्धि कर पूर्ण रुपमा छुट दिएको छ।

अर्थमन्त्री विष्णु पौडेलले प्रधानमन्त्री कार्यालय सिंहदरबारबाट आर्थिक वर्ष २०७८/७९ को बजेट सार्वजनिक गर्दै अक्सिजन उद्योग स्थापना गर्न आवश्यक पर्ने उपकरण आयातमा भन्सार र मूल्य अभिवृद्धि कर पूर्ण रुपमा छुट दिने गरी बजेट ल्याइएको बताएका हुन्।

सामुदायिक तथा निजी अस्पतालमा अक्सिजन प्लान्ट जडान गरेमा लागतको ५० प्रतिशत पुँजीगत अनुदान दिने समेत उनले बताए ।

उनले कोरोना महामारीको अवधिभर अक्सिजन उद्योगहरुलाई अक्सिजन उत्पादनमा लाग्ने विद्युत महशुलमा ५० प्रतिशत छुट दिने व्यवस्था समेत मिलाइएको बताए।

कुनै पनि कोरोना संक्रमितले अक्सिजन अभावमा ज्यान गुमाउनुपर्ने अवस्था आउन नदिन सरकारले अक्सिजनको व्यवस्थापनलाई विशेष प्राथमिकता दिएको मन्त्री पौडेलको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाजामा इजरायली हमलामा ९ जनाको मृत्यु

पेट्रोलको मूल्य लिटरमा पाँच रुपैयाँले घट्यो

प्रस्तावित युद्धविराम वार्तापछि रुस र युक्रेनद्वारा हवाई आक्रमण जारी