काठमाडाैं- सुपर लिग ‘प्रोजेक्ट’मा सहभागी भएको भन्दै युरोपियन फुटबलको सर्वोच्च निकाय युइएफएले बार्सिलाेना, रियल मड्रिड र युभेन्टसलाई कारबाही गर्ने भएको छ।
युइएफएले मंगलबार विज्ञप्ति जारी गर्दै स्पेन दुई र इटालियनका क्लबका एक गरी तीन ठूला क्लबमाथि कारबाहीको प्रक्रिया अघि बढाएको जानकारी दिएकाे हाे। यद्यपि, कस्तो कारबाही गर्ने भन्नेबारे युइएफएले केही खुलाएको छैन।
कोरोनाका कारण क्लबको आर्थिक अवस्था कमजोर भएपछि तत्कालका लागि मोटो रकम आउने र क्लबलाई बचाउन सकिने भन्दै केही समयअघि यी तीनसँगै युरोपका १२ क्लबले संयुक्त रुपमा विज्ञप्ति जारी गर्दै युरोपियन सुपर लिगको घोषणा गरेका थिए।
तर, सबैतिरको आलोचना र विरोध भएपछि फिफा र युइएफएले यी १२ क्लबलाई र खेलाडीमाथि प्रतिबन्ध लगाउने चेतावनी दिएकाे थियाे।
त्यसपछि प्रिमियर लिग क्लब चेल्सी, लिभरपुल, म्यानचेस्टर सिटी, म्यानचेस्टर युनाइटेड, आर्सनल र टोटेनहम हटस्पर, स्पेनिस क्लब एट्लेटिको मड्रिड, इटालियन क्लब इन्टर मिलान र एसी मिलान गरी ९ संस्थापक क्लबले नाम फिर्ता लिएका थिए।
स्पेनका दुई क्लब र युभेन्टसले भने अझै पनि सुपर लिग आयोजकबाट नाम फिर्ता लिएका छैनन्।
तीन क्लबको कारबाही प्रकिया एक महिना चल्नसक्ने बताइएको छ। यदि ठूलो कारबाही भएमा यी क्लबले अर्को सिजनको च्याम्पियन्स लिग वा दुई सिजनको घरेलु लिगबाट बाहिर रहने र ठूलो मात्रामा जरिवाना लाग्ने सम्भावना स्पेनिस अनलाइन मार्काले जनाएको छ।
यस्तै युइएफएको स्वीकृतिविना कुनैपनि सदस्य क्लबले बाहिरको प्रतियोगिता खेल्न र स्थापना गर्न पनि नपाउने नियममा छ। युइएफएको नियम अनुसार कुनैपनि टिमले समानान्तर प्रकृतिको प्रतियोगिता खेल्न नपाउने उल्लेख छ।
नाम फिर्ता लिएका टोटेनहम, आर्सनल, सिटी, युनाइटेड, चेल्सी, लिभरपुल, एट्लेटिको मड्रिड, मिलान र एसी मिलानले भने युइएफएको सबै प्रतिगिता खेल्न पाउनेछ। यी क्लबहरुलाई १/१ कराेड यूराे जरीवाना तिराइएकाे छ। यी क्लबलाई यूईएफएले भविष्यमा यस्तो कदम नचाल्ने चेतावनी दिँदै कारबाही नगर्ने भएको छ।
यद्यपि, बार्सिलाेना, मड्रिड र युभेन्टसले युईएफएकाे याे कदमकाे विराेध गर्दै आएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_3anZTthbso-1766484950.jpg)
-1764146706.png)
-1763721444.png)
