काठमाडाैं- युरोपियन फुटबलको सर्वोच्च निकाय युईएफए विवादित युरोपेली सुपर लिग (ईएसएल)काे संस्थापक तीन क्लबमाथि अनुसन्धान थालेकाे छ।
युईएफए संस्थापक १२ क्लबमध्ये तीन क्लब अर्थात बार्सिलाेना, रियल मड्रिड र युभेन्ट्समाथि अनुसन्धान थालेकाे हाे। यी मध्ये बार्सिलाेना र मड्रिड स्पेनिस क्लब हाे भने युभेन्ट्स इटालियन क्लब हाे।
युईएफएले बुधबार एक विज्ञप्ति निकाल्दै यी तीन क्लबमाथि अनुसन्धान गर्न छानविन समिति गठन गरेकाे जनाकारी दिएकाे छ।
सुपर लिग अप्रिल १८ मा घोषण गरिएकाे थियाे। तर, साेही दिनदेखि याे विवादमा पर्न थाल्याे। फुटबलको विश्व प्रशासकीय निकाय फिफाले प्रतिस्पर्धालाई मान्यता नदिने र युईएफएले भाग लिने खेलाडी र क्लबमाथि प्रतिबन्ध लगाउने चेतावनी दिएकाे थियाे।
यसका साथै कयाैं समर्थकहरुले फुटबलमा एकाधिकार कायम गर्न खाेजेकाे भन्दै विराेध जनाएपछि संस्थापकमध्ये ६ इंग्लिससहित इटालिका २ र स्पेनका एक क्लबले सहभागी नाम फिर्ता लिएका थिए।
संस्थापक १२ क्लबमा प्रिमियर लिगका ६, इटालियन लिगको ३ र स्पेनिस लिगको ३ क्लब रहेका थिए। तर, प्रिमियर लिगबाट चेल्सी, लिभरपुल, आर्सनल, म्यानचेस्टर युनाइटेड, म्यानचेस्टर सिटी र टोटेनहमले नाम फिर्ता लिएका हुन्।
यता, एसी मिलान र इन्टर मिलानले पनि प्रतिनिधित्व नजनाउने भएकाे छ। स्पेनबाट एटलेटिको मड्रिडले पनि नखेल्ने जनाइएकाे छ।
यद्यपि, बार्सिलाेना, रियल मड्रिड र युभेन्ट्सले भने नाम फिर्ता लिएकाे छैन।
यता, युईएफएले शुक्रबार टोटेनहम, आर्सनल, सिटी, युनाइटेड, चेल्सी, लिभरपुल, एट्लेटिको मड्रिड, मिलान र एसी मिलानलाई आर्थिक जरिवाना तिराएकाे थियाे।
यी सबै क्लबले १/१ कराेड यूराे जरीवाना स्वीकार गरिसकेका छन्। यद्यपि, बाँकी क्लबले युईएफएकाे याे कदमकाे विराेध गर्दै आएकाे छ।
केही मिडियाका अनुसार यी तीन क्लबलाई युईएफएले यूरोपियन प्रतिस्पर्धाबाट दुई वर्षे प्रतिबन्ध लगाउनेबारे पुनर्विचार गरिरहेकाे छ। यद्यपि, याे कदम त्यति सहज छैन। युईएफएले सम्बन्धित निकायलाई प्रतिबन्धकाे लागि आग्रह गर्नुपर्छ।
यता, कर्मसियल काेर्ट अफ मड्रिडले २० अप्रिलमा युईएफए र फिफालाई सुपर लिग रोक्नको लागि कुनै कदम नचाल्न आदेश दिएकाे छ।
आदेशमा क्लब, खेलाडीहरू वा यसमा संलग्न अधिकारीहरूविरुद्ध कुनै कदम चाल्न राेक लगाइएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775382666-1775826937.jpeg)
-1764146706.png)
