भैरहवा– शिक्षा, विज्ञान तथा प्रविधि मन्त्री गिरीराजमणि पोखरेलले शिक्षकले विद्यालयमा पढाउन छाडेर पार्टीको काममा गए कारबाही गरिने बताएका छन्। समृद्ध नेपाल निर्माण र 8 परिवर्तनमा शिक्षकहरुको भूमिका महत्वपूर्ण हुने बताउँदै मन्त्री पोखरेलले विद्यालय समयमा पार्टीको बैठक छ भन्दै निस्कन नपाइने प्रष्ट पारे।
नेपाल कम्युनिष्ट पार्टीले भैरहवामा आयोजना गरेको अगुवा कार्यकर्ता भेटघाट कार्यक्रममा बोल्दै मन्त्री पोखरेलले पार्टीमा लेवी बुझाउँदै आएको र परिवर्तनमा हाम्रो योगदान छ भन्दैमा विद्यार्थीहरुको पढाइ प्रभावित पार्न नपाइने बताए।
‘अहिलेको अवस्था हेर्दा शिक्षकलाई पढाउनुभन्दा पनि उपभोक्ता समितिमा बस्न रुची छ तर अब शिक्षकले विद्यार्थीलाई पढाउनेतर्फ ध्यान केन्द्रित गर्नुपर्छ।’, उनले भने।
मन्त्री पोखरेलले आफु निजी विद्यालय बन्द गराउनुपर्छ भन्ने पक्षमा नरहेको प्रष्ट पार्दै मापदण्ड पुरा नगरी सञ्चालनमा आएका विद्यालय भने बन्द गर्नुपर्ने पक्षमा रहेको बताए। निजी विद्यालयले न्युनतम भौतिक पूर्वाधार निर्माण, शिक्षकलाई सामुदायिक विद्यालयले दिने सरहको तलब सुविधा र शुल्क वृद्धि गर्दा अभिभावक भेलामा दुई तिहाइ बहुमतद्धारा पारित भएको हुनुपर्ने बताए।
आगामी असोज ३ गते भित्र अनिवार्य शिक्षा ऐन ल्याउने तयारीमा रहेको र आफ्ना बालबालिकालाई विद्यालय नपठाउने अभिभावक समेत दण्डित हुने मन्त्री पोखरेलको भनाइ छ। अस्थायी शिक्षकहरुको परीक्षा स्थगित भए पनि त्यो सम्पन्न गर्न सहमति गरेर अगाडी बढ्ने उनले बताए।
‘प्रतिष्पर्धाकै माध्यमबाट शिक्षक नियुक्त हुनुपर्छ। नम्बर थपेर अब शिक्षक बनाउँन सकिँदैन। परराष्ट्र मन्त्रालयमा काम गर्न प्रतिष्पर्धा गर्नुपर्ने, परीक्षा दिनुपर्ने तर कँही पनि काम नगरेको मान्छेलाई विद्यालयमा शिक्षकको रुपमा ल्याउँदा शिक्षाको गुणस्तर झन खस्किदै जान्छ,’ मन्त्री पोखरेलले भने।
पार्टी एकताको विषयमा बोल्दै पोखरेलले बामपन्थीहरुको एकता नेपाली 8को ऐतिहासिक एवम् तत्कालिन वस्तुगत एकता भएकोमा जोड दिए। उनले अब 8वादलाई केन्द्रमा राखेर अगाडी बढ्नुपर्ने धारणा राखे। मन्त्री पोखरेलले प्राप्त उपलब्धीलाई संस्थागत गर्दै बाँकी रहेको क्रान्तिलाई पुरा गर्न नै बाम एकता भएको स्पष्ट पारे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
