काठमाडौं- वैज्ञानिक चार्ल्स डार्विनको चर्चित पुस्तक ‘ओरिजिन अफ स्पेसिस’को नेपाली अनुवाद बजारमा आएको छ।
‘जातिहरुको उत्पत्ति’ नाममा उक्त पुस्तकको नेपाली अनुवाद गरिएको हो। उक्त पुस्तक जीवहरुको उत्पत्तिबारे विकासवादी सिद्धान्तको प्रतिपादन गर्ने पुस्तकको रुपमा सर्वपरिचित छ। डार्विनले आफ्नो लामो समयको अनुसन्धानपछि उक्त पुस्तक प्रकाशनमा ल्याएका थिए।
सन् १८५९ मा पहिलोपटक प्रकाशित उक्त पुस्तकले तत्कालीन समयमा निकै खलबली मच्चाएको थियो। जीवहरुको उत्पत्ति दैवी शक्तिबाट नभई प्राकृतिक प्रक्रियाको रुपमा भएको हो भन्ने सिद्धान्तले तत्कालीन धर्मभिरु 8मा सास्ती खेप्नुपरेको थियो।
डार्विनले पुस्तकमा भनेका छन्– ‘प्राकृतिक छनोटले बच्चाहरुको संरचनामा, प्रौढहरुको संरचनानुसार रुपान्तरण गर्दछ र प्रौढहरुको संरचनामा बच्चाहरुको संरचनानुसार। सामाजिक जन्तुहरुमा यसले प्रत्येक सदस्यको आकारलाई सम्पूर्ण 8को हितमा अनुकूलित गर्दछ। यदि 8लाई त्यो छानिएको परिवर्तनबाट लाभ हुन्छ भने। प्राकृतिक छनोटले एउटा काम गर्न सक्दैन, त्यो यो हो कि त्यसले कुनै एउटा जातिको संरचनामा त्यसको आफ्ननो कुनै सुविधाबिना तथा अन्य जातिहरुको लाभको लागि रुपान्तरण गर्न सक्दैन।’
‘वैज्ञानिक चिन्तनमा नयाँ धारको सुरुवात गर्ने पुस्तक नेपाली वाङ्मयमा नभएकाले उक्त पुस्तकको अनुवाद गराई प्रकाशन गरिएको हो,' प्रकाशन संस्था इन्डिगो इन्कका अध्यक्ष विष्णुकुमारले बताए। पुस्तकको नेपाली अनुवाद रमेश सुनुवार र नारायण गिरीले गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
