काठमाडौं– राष्ट्रपति विद्यादेवि भण्डारीले प्रस्तुत गरेको सरकारको नीति तथा कार्यक्रम माथि संघीय संसदको माथिल्लो सदन राष्ट्रिय सभामा आजबाट छलफल सुरु हुँदैछ। दुई दिनसम्म चल्ने छलफलमा संशोधनकर्ताहरुले आफ्नो धारणा राख्नेछन् भने सांसदहरुले पनि छलफलमा भाग लिने छन्।
सरकारको नीति तथा कार्यक्रममा आफ्ना धारणा राख्न राष्ट्रिय सभाको बैठक बिहान ११ बजेका लागि बोलाइएको छ। संघीय संसद सचिवालयका प्रवक्ता भरत गौतमका अनुसार नीति तथा कार्यक्रममाथि शुक्रबारसम्म छलफल हुनेछ।
कार्यक्रममाथि सत्ता समर्थित संघीय 8वादी फोरम नेपाल र राष्ट्रिय जनता पार्टी राजपा तथा प्रमुख प्रतिपक्षी नेपाली कांग्रेसले राष्ट्रियसभामा समेत गरी ८ वटा संशोधन दर्ता गराएका छन्। राजपा र फोरम नेपालले संविधान संशोधनलाई सरकारी नीति तथा कार्यक्रममा समेट्न माग गर्दै संशोधन प्रस्ताव दर्ता गराएका हुन् भने कांग्रेसका १७ जना सांसदले सभामुख र राष्ट्रिय सभाका अध्यक्षलाई सम्मानजनक पदावली प्रयोग हुनुपर्ने लगायत संशोधन दर्ता गराएका छन्।
उता तल्लो सदन प्रतिनिधि सभामा भने बुधबारबाटै छलफल सुरु भइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
