महामारीका बेला अग्रपंक्तिमा खटिनेलाई टाटा मोटर्सको विशेष योजना

अटो

नेपाल लाइभ सोमबार, वैशाख २०, २०७८ ११:३६

काठमाडौं- नेपालका लागि टाटा मोटर्सको आधिकारिक वितरक सिप्रदी ट्रेडिङ प्रालिले कोरोना भाइरसको महामारीविरुद्ध अग्रपंक्तिमा कार्यरत व्यक्तिहरूका लागि विशेष योजना सार्वजनिक गरेको छ।

कम्पनीले प्रतिकूल परिस्थितिमा निरन्तर सेवा पुर्‍याउने स्वास्थ्यकर्मी, सुरक्षाकर्मी, बैंक तथा वित्तीय संस्थाका कर्मचारीलगायत अग्रपंक्तिमा रहेर सेवा पुर्‍याउने व्यक्तिहरू यस योजनामा सहभागी हुनसक्ने जानकारी दिएको छ।

यस योजनाअन्तर्गत एक लाख ५० हजार रूपैयाँ विशेष नगद छुट प्रदान गरिने जनाइएको छ। साथै, स्वास्थ्यकर्मी, सुरक्षाकर्मी, बैंक तथा वित्तीय संस्थाका कर्मचारीलाई थप ५० हजार रूपैयाँ नगद छुट, टाटा गाडीसँग जुनसुकै गाडी साट्दा ५० हजार रूपैयाँ एक्सचेन्ज बोनस र टाटाको गाडीसँग टाटाको गाडी साट्दा लोयल्टी बोनसस्वरूप ३० हजार रूपैयाँ प्राप्त गर्न सक्ने कम्पनीले जानकारी दिएको छ।

यस अवधिमा गाडीहरूको होम डेलिभरी सुविधासमेत हुने कम्पनीद्वारा जारी विज्ञप्तिमा उल्लेख छ। ‘यस योजनामा सहभागी हुन चाहने यस महामारीविरुद्ध अग्रपंक्तिमा कार्यरत व्यक्तिहरूका लागि १ मे २०२१ देखि बुकिङ खुला गरिएको छ। ३१ मे २०२१ सम्म यस योजनामा सहभागी हुन सक्नुहुनेछ,’ विज्ञप्तिमा भनिएको छ।

साथै, यस अवधिमा गाडी मर्मत, पार्टपुर्जा, इन्जिन आयल वा ब्याट्रीसम्बन्धी सेवा २४ घण्टा नै प्रदान गरिने कम्पनीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय ट्रफी: सागर र ललितको घातक बलिङमा पुलिस बन्यो च्याम्पियन

न्याय परिषद् सदस्यमा प्रस्तावित दामोदर खड्काविरूद्ध उजुरी आह्वान

पोखरा पुगे प्रधानमन्त्री ओली