सुरक्षा/अपराध

दाङ घटना : कारमा भेटिएका तीन बालकको शवको पहिचान खुल्यो, दुई जना पक्राउ

नारायण अधिकारी आइतबार, वैशाख १९, २०७८ ०८:५६

काठमाडौं— दाङको तुलसीपुर उपमहानगरपालिका–६ स्याउली बजार नजिक भारतीय नं प्लेटकाे कारभित्र मृत भेटिएका तीन बालकको पहिचान खुलेको छ।

यो पनि पढ्नुहोस्

दाङमा भारतीय नम्बरप्लेटको गाडीभित्र ३ बालबालिकाको शव फेला, चालक पक्राउशनिबार, वैशाख १८, २०७८

इलाका प्रहरी कार्यालय तुलसीपुरका प्रमुख शिवबहादुर सिंहले तीनै जनाको पहिचान खुलेको र अहिले पोष्टमार्टमको तयारी भइरहेको नेपाल लाइभलाई जानकारी दिए ।

उनका अनुसार मृत भेटिनेमा तुलसीपुर ६ बस्ने भीमबहादुर परियारका छोरा ९ वर्षीय सन्देश, सन्तोष परियारका छोरा ७ वर्षीय सुर्वण र किरण परियारका ६ वर्षीय छोरा करण रहेका छन्।

उनीहरुको शव आर जे ०१-सीसी ०८८५ नम्बरको भारतीय कारभित्र शनिबार साँझ फेला परेकोे थियो। प्रहरी स्रोतका अनुसार कारका चालक पदम बस्नेत र उक्त कार ल्याउने व्यक्ति तुलसीपुर ६ कै यादव गैरेलाई पक्राउ गरिएको छ।