काठमाडौं- प्रधानमन्त्री केपी शर्मा ओलीले धरहरा दुर्घटनामा प्रभावितहरुलाई त्यहाँ सिर्जना हुने रोजगारीको अवसरमा प्राथमिकता दिइने बताएका छन्। शनिबार नवनिर्मित धरहराको उद्घाटन गर्दै उनले सो घोषणा गरेका हुन्।
उनले धरहराको दुर्घटनामा परेर धेरैको जीवन गएको बताए। 'धरहरा ढलेकोबाट, त्यससँग सम्बन्धित दुर्घटनामा जीवन गुमाएका परिवारहरुलाई यहाँ सिर्जना हुने कामको अवसरहरुमा प्राथमिकताका परिवारका एक जनालाई रोजगारीको अवसर उपलब्ध गराइनेछ,' प्रधानमन्त्री ओलीले भने।
उनले धरहराको निर्माणसँगै पार्किङ, बगैँचा, धरहरा र अरु चिज भएको बताए। त्यहाँ काम नमिल्ने वा कामको प्रकृति नमिल्नेहरुलाई अन्यत्र अरु ठाउँमा प्राथमिकता दिने बताए। उनले आफूहरु धरहरा ढल्दा भएको क्षतिप्रति संवेदनशील रहेको बताए।
उनले अब उप्रान्त धरहरा नढल्ने ठोकुवा गरे। २०७२ सालको भूकम्पमा परी धरहरा ढलेको थियो। त्यतिबेला झन्डै पाँच दर्जनले ज्यान गुमाएका थिए। त्यतिबेला ढलेको धरहराको भग्नावशेषलाई यथाअवस्थामा छाडेर नयाँ धरहरा निर्माण गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
