दोलखामा जीप दुर्घटना हुँदा चारको मृत्यु, १७ घाइते

समाचार

नेपाल लाइभ मंगलबार, चैत ३१, २०७७ ०६:३६

काठमाडौं–दोलखामा बोलेरो जीप दुर्घटना हुँदा चार जनाको मृत्यु भएको छ ।

सोमबार राति भएको दुर्घटनामा परी अन्य १७ जना घाइते भएको दोलखा प्रहरीका प्रवक्ता प्रहरी निरीक्षक अञ्जन कोइरालाले बताए।

सिन्धुपाल्चोकको तातोपानीबाट दोलखाको बिगु गाउँपालिका जाँदै गरेको बोलेरो सोमाबार राति करिब ११ बजेतिर दुर्घटनामा परेको उनले बताए।

घाइतेहरुको उद्धार गरी अस्पताल लैजाने क्रम जारी रहेको उनको भनाइ छ। घाइतेमध्ये पाँचकाे अवस्था गम्भीर रहेकाे काेइरालाले बताए।

सामान्य घाइतेको जिल्ला अस्पताल चरिकोटमा उपचार भइरहेको उनले बताए। गम्भीर घाइतेको थप उपचारका लागि काठमाडौं पठाइएको बताइएको छ।

घाइते हुनेमा १० महिने बालक समेत रहेको उनले बताए। सामान्य घाइते बालक भने आफन्तको जिम्मा लगाइएको उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नेपाल लाइभ