गुडविल बचत तथा ऋण सहकारीका अध्यक्ष पक्राउ

बैंक/बिमा/सेयर

नेपाल लाइभ आइतबार, चैत २२, २०७७ १५:५३

काठमाडाैं- लतिलपुरको कुमारीपाटीस्थित गुडविल बचत तथा ऋण सहकारीका अध्यक्ष दिवाकर श्रेष्ठ पक्राउ परेका छन्। उक्त सहकारीको करोडौं रुपैयाँ हिनामिना गरेर फरार रहेका अध्यक्ष श्रेष्ठ पक्राउ परेका हुन्।

प्रहरीले उनलाई चितवनबाट पक्राउ गरी ललितपुर महानगर परिसरमा ल्याएको छ। अध्यक्ष श्रेष्ठले रकम हिनामिना गरेर फरार भएपछि उक्त संस्था गत फागुन ९ गतेदेखि बन्द छ।

लतिलपुर जिल्ला बचत संघको मध्यस्थतामा सहकारी खुलाउन प्रयास गरिए पनि संस्थाका बचतकर्ता र सञ्‍चालकहरुको दबाबका कारण त्यो सम्भव नभएको लतिलपुर जिल्ला बचत संघका अध्यक्ष रामहरी बजगाईंले बताए। ‘संघले गुडविलका बचतकर्ताको तर्फबाट छ जनाको कार्यदल बनाएर हरेक दिन दुई जनालाई कार्यालयमा बस्‍ने गरी कार्यालय सञ्‍चालन प्रयास गरे पनि त्यो सम्भव भएन,’ उनले भने।

यो सहकारी संस्थाको ७० करोड रुपैयाँ बराबरको वित्तीय विवरण देखिन्छ। संस्थाले गरेको कर्जा लगानीको अधिकांश पैसा अध्यक्ष एक्लैले मात्र ६० करोडमाथि हिनामिना गरेको सञ्‍चालकहरुले बताउँदै आएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन

प्रयागराजमा महाकुम्भ मेला सुरु, ४० करोड सहभागी हुने अनुमान [तस्बिरहरु]

असङ्‌गठित श्रम क्षेत्रको सवाललाई लिएर गराइयो सरोकारवालाको ध्यानाकर्षण