काठमाडौं– सन् २०२१ को वसन्त ऋतुमा विश्वको अग्लो शिखर सगरमाथा आरोहणका लागि १२३ जनाले परमिट लिएका छन। १४ आरोहण दलबाट सगरमाथा आरोहाणका लागि १२३ जनाले परमिट लिएका छन्।
योसँगै २७ आराेहण दलका २ सय १७ जनाले विभिन्न हिमाल आरोहणका लागि अनुमति लिएका हुन्। यसैगरी ४ टिमका ४४ जनाले अन्नपूर्ण, ल्होत्से आरोहणका लागि ७ जना,पुमरी आरोहणका लागि ५ जना र टुकुचे हिमाल आरोहणका लागि १ जना परमिट पाइसकेको छन्।
हिमाल आरोहणका लागि परमिट पाउनेमा १ सय ५७ जना पुरुष र ६० जना महिला रहेका छन्। पर्यटन विभागले हिमाल आरोहण अनुमति वापत १८ करोड ९० लाख रुपैयाँ रोयल्टी संकलन गरेको छ।
सगरमाथा आरोहणका लागि परिमट लिएका मध्ये १६ जना बराइनी राजकुमारसहितको सदस्य हो।
कुल हिमाल आरोहणका लागि कतिले पाए अनुमति?
पर्यटन विभागले आरोहणलाई व्यवस्थित र सुरक्षित बनाउन भन्दै ११ वटा शर्त समेत जारी गरिसकेको छ। विभागले एजेन्सीका तर्फबाट पर्वतारोहणसम्बन्धी कार्य गर्नका लागि आधिकारिक व्यक्ति तोकेर पठाउनु पर्ने शर्तसमेत अगाडि सारेको छ।
यसबाहेक विभागले पर्वतारोही दलले पर्वतारोहण बाहेक अन्य थप गतिविधि गर्ने भएमा पर्यटन विभागमा अनिर्वाय जानकारी गराई स्वीकृत लिएर मात्र थप गतिविधि गर्न भनेको छ।
कुनैपनि पर्वतारोही दल तथा दलका सदस्यले फोटो, भिडियो तथा फिल्मिङ सम्बन्धी काम गर्दा आफू सम्बद्ध दल र दलका सदस्यको आरोहण गतिविधिबाहेक अन्यको फोटो, भिडियो खिच्ने तथा फिल्मिङ सम्बन्धी काम गरी त्यसको प्रचार प्रसार तथा प्रकाशन गर्न नपाइने गरी शर्तहरु जारी गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782043740-1782045652.jpeg)
-1764146706.png)
